آسکرایوارڈز میں سری دیوی کو خراج تحسین پیش کیا گیا

تقریب کے دوران سری دیوی کو موسیقی کے ذریعے خراج تحسین پیش کیا گیا

ویب ڈیسک March 05, 2018

تقریب کے دوران بالی ووڈ کے دونوں اسٹارز کو موسیقی کے ذریعے خراج تحسین پیش کیا گیا؛ فوٹوفائل

90 ویں آسکر ایوارڈز کی تقریب میں بالی ووڈ کی آنجہانی اداکارہ سری دیوی اور اداکار ششی کپور کو ہالی ووڈ کی جانب سے خراج تحسین پیش کیا گیا۔

لاس اینجلس میں 90 ویں آسکر ایوارڈز کی رنگارنگ تقریب سجائی گئی جہاں ایک طرف ہالی ووڈ کے تقریباً تمام بڑے اسٹارز نے شرکت کرکے تقریب کو چار چاند لگائے تو دوسری جانب آسکر انتظامیہ بالی ووڈ کی پہلی سپر اسٹار خاتون اور آنجہانی اداکارہ سری دیوی اور اداکار ششی کپور کو بھی نہیں بھولی۔

اس خبرکوبھی پڑھیں: آسکر ایوارڈ 2018 کا میلہ فلم''دی شیپ آف واٹر''نے لوٹ لیا

آسکر ایوارڈ کی تقریب کے دوران پہلی خاتون سپر اسٹار سری دیوی اور اداکار ششی کپور کو موسیقی کے ذریعے خراج تحسین پیش کیا گیا۔

اداکارہ سری دیوی اور ششی کپور کو 90 ویں آسکر ایوارڈ کی تقریب کے دوران خراج تحسین پیش کیے جانے پر بالی ووڈ انڈسٹری سے تعلق رکھنے والی شخصیات نے مسرت کا اظہار کیا۔ اداکار ورون دھون نے اپنی ٹوئٹ میں کہا کہ یہ دیکھ کر بہت اچھا لگ رہا ہے کہ آسکر انتظامیہ نے ششی کپور اور سری دیوی کو اتنی عزت دی۔