جامعہ کراچی کے طلبہ کی شامی مسلمانوں سے اظہار یکجہتی کیلئے واک

شام میں مسلمانوں کی نسل کشی ہورہی ہے مگر اقوام متحدہ اور عالم اسلام سویا ہے، مظاہرین فوٹو:سوشل میڈیا

---

جامعہ کراچی کے طلبہ نے شامی مسلمانوں سے اظہار یکجہتی کیلئے واک کا اہتمام کیا۔

جامعہ کراچی میں شامی مسلمانوں کیساتھ اظہار یکجہتی کیلئے واک کا انعقاد کیا گیا۔ واک کا آغاز یونیورسٹی کے ایڈمن بلاک سے ہوا جس میں طلبہ وطالبات کی بڑی تعداد نے شرکت کی۔ طلباء نے نہتے شامی مسلمانوں کے حق میں نعرے بازی کی۔ مظاہرین نے مطالبہ کیا کہ شام میں مسلمانوں کی نسل کشی ہورہی ہے مگر اقوام متحدہ اور عالم اسلام سویا ہوا ہے۔

یہ بھی پڑھیں: شام کے علاقے غوطہ کی صورت حال قطعی ناقابل قبول ہے، اقوام متحدہ

واضح رہے کہ شام کے شہر غوطہ میں گزشتہ دو ہفتے سے جاری شامی و روسی افواج کی بمباری میں اب تک 700 سے زیادہ افراد جاں بحق ہوچکے ہیں جن میں بڑی تعداد میں بچے بھی شامل ہیں۔ اقوام متحدہ کی سلامتی کونسل نے شام میں جنگ بندی کی قرارداد بھی منظور کی جس کے باوجود غوطہ پر فضائی حملے جاری ہیں۔