کوئٹہ گلیڈی ایٹرز نے کراچی کنگز کو شکست دیدی

کوئٹہ کی جانب سے شین واٹسن اور کیون پیٹرسن نے نصف سنچریاں اسکور کیں۔

ویب ڈیسک March 08, 2018
facebook whatsapp
کوئٹہ کی جانب سے شین واٹسن اور کیون پیٹرسن نے نصف سنچریاں اسکور کیں۔ فوٹو: سوشل میڈیا
PESHAWAR: پاکستان سپر لیگ تھری میں کوئٹہ گلیڈی ایٹرز نے کراچی کنگز کو 67 رنز سے شکست دے دی۔

پاکستان سپر لیگ تھری کے میچ میں کوئٹہ گلیڈی ایٹرز نے شین واٹسن اور کیون پیٹرسن کی شاندار بلے بازی کی بدولت مقررہ 20 اوورز میں 4 وکٹ کے نقصان پر 180 رنز بنائے جس کے جواب میں کراچی کنگز مقررہ اوور میں 8 وکٹ کے نقصان پر 113 رنز ہی بناسکے۔



کراچی کنگز کی جانب سے اس بار شاہد آفریدی کو اوپننگ کے لیے بھیجا گیا لیکن ان کی کارکردگی انتہائی مایوس کن رہی وہ 5 گیندوں پر ایک رنز بناکر آؤٹ ہوگئے جب کہ دوسرے اوپننگ بلے باز جوئے ڈینلی بھی صرف ایک رنز کے ہی مہمان ثابت ہوئے۔



تیسرے نمبر پر آنے والے بلے باز کولنگ انگرام بھی صرف 5 رنز کے مہمان ثابت ہوئے جب کہ روی بوپارا بغیر کوئی رنز بنائے پویلین لوٹ گئے۔ بابر اعظم نے مزاحمت کی بھرپور کوشش کی اور کچھ دیر وکٹ پر موجود رہے لیکن ان کی ہمت بھی 32 رنز پر جواب دے گئی۔



کپتان عماد وسیم نے خود اوپر آنے کا فیصلہ کیا لیکن اتنے بڑے اسکور کو دیکھ کر ان کی اننگز بھی 35 رنز تک محدود رہی اور ڈیوڈ ویزا بھی صرف 5 رنز کے ہی مہمان ثابت ہوئے جب کہ محمد رضوان 26 رنز پر ناٹ آؤٹ رہے۔



اس سے قبل کراچی کنگز کے کپتان عماد وسیم نے ٹاس جیت کر کوئٹہ گلیڈی ایٹرز کو بیٹنگ کی دعوت دی ہے۔ کوئٹہ کی جانب سے اسد شفیق اور شین واٹسن نے اننگز کا آغاز کیا اور ٹیم کو 60 رنز کا عمدہ آغاز فراہم کیا تاہم اسد شفیق لمبی اننگز کھیلنے میں ناکام رہے اور 16 رنز بناکر پویلین واپس لوٹ گئے، انہیں شاہد آفریدی نے پویلین واپس بھیجا۔



کیون پیٹرسن تیسرے نمبر پر بیٹنگ کے لیے آئے اور واٹسن کے ساتھ ملکر 86 رنز کی شاندار شراکت قائم کی اس دوران پیٹرسن نے اپنی نصف سنچری بھی مکمل کی لیکن وہ اپنی اننگز کو مزید آگے نہ بڑھاسکے اور 51 رنز پر عثمان خان کا شکار بن گئے۔



شین واٹس آج بھرپور فارم میں دکھائی دیے اور انہوں نے ریلی روسوو کے ساتھ بھی شراکت قائم کرنے کی کوشش کی لیکن محمد عامر نے روسوو کو 13 رنز پر پویلین واپس بھیج دیا تاہم واٹسن وکٹ پر ڈٹے رہے اور 6 چھکوں، 5 چوکوں کی مدد سے 58 گیندوں پر 90 رنز کی ناقابل شکست اننگز کھیلی۔
facebook whatsapp

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ہمارے ساتھ شامل ہوں

پاکستان

بارڈر سیکیورٹی مزید سخت، تمام ایئرپورٹس پر بائیو میٹرک مشینیں نصب کرنیکا فیصلہ

بارڈر سیکیورٹی مزید سخت، تمام ایئرپورٹس پر بائیو میٹرک مشینیں نصب کرنیکا فیصلہ

 4 گھنٹے بعد |
190 ملین پاؤنڈ ریفرنس؛ بشریٰ بی بی کی عدم حاضری پر سماعت 4 نومبر تک ملتوی

190 ملین پاؤنڈ ریفرنس؛ بشریٰ بی بی کی عدم حاضری پر سماعت 4 نومبر تک ملتوی

 4 گھنٹے بعد |
امریکی سفارتخانے کے وفد کا اڈیالہ جیل کا دورہ

امریکی سفارتخانے کے وفد کا اڈیالہ جیل کا دورہ

 3 گھنٹے بعد |
پنجاب میں کاشت کاروں کو گرین ٹریکٹر کی فراہمی کا آغاز

پنجاب میں کاشت کاروں کو گرین ٹریکٹر کی فراہمی کا آغاز

 3 گھنٹے بعد |
عافیہ صدیقی کی رہائی کیلیے امریکا بھیجے جانے والے وفد کی تفصیلات اسلام آباد ہائیکورٹ میں پیش

عافیہ صدیقی کی رہائی کیلیے امریکا بھیجے جانے والے وفد کی تفصیلات اسلام آباد ہائیکورٹ میں پیش

 3 گھنٹے بعد |

مقبول خبریں

express

express.pk خبروں اور حالات حاضرہ سے متعلق پاکستان کی سب سے زیادہ وزٹ کی جانے والی ویب سائٹ ہے۔ اس ویب سائٹ پر شائع شدہ تمام مواد کے جملہ حقوق بحق ایکسپریس میڈیا گروپ محفوظ ہیں۔

تمام مواد کے جملہ حقوق © 2024 ایکسپریس اردو