لاہور قلندرز کو مسلسل چھٹی شکست

اسلام آباد کی جانب سے لیوک رونکی نے 77 رنز کی اننگز کھیلی۔

Sports Desk March 08, 2018
facebook whatsapp
77
اسلام آباد کی جانب سے لیوک رونکی نے 77 رنز کی اننگز کھیلی۔ فوٹو: سوشل میڈیا
پاکستان سپر لیگ کے میچ میں اسلام آباد یونائیٹڈ نے لاہور قلندرز کو 6 وکٹ سے شکست دے دی اور اب لاہور کسی طرح بھی آگلے مرحلے میں نہیں پہنچ سکتی ہے۔

دبئی میں کھیلے گئے میچ میں لاہور قلندرز نے مقررہ 20 اوورز میں 8 وکٹوں پر 163 رنز بنائے جس کے جواب میں اسلام آباد یونائیٹڈ نے مطلوبہ ہدف 2 اوور پہلے ہی 4 وکٹ کے نقصان پر پورا کرلیا۔

اسلام آباد کی جانب سے جے پی ڈومینی اور لیوک رونکی نے اننگز کا آغاز کیا اور ٹیم کو 47 رنز کا جارحانہ آغاز فراہم کیا لیکن ڈومینی 21 رنز بنانے کے بعد سنیل نارائن کا شکار بن گئے۔



حیران کن طور پر شاداب خان کو تیسرے نمبر پر بیٹنگ کے لیے بھیجا گیا اور انہوں نے بھی مینجمنٹ کی امیدوں پر پورا اترتے ہوئے لیوک رونکی کے ساتھ دوسری وکٹ کے لیے 87 رنز کی شراکت قائم کی جس کے بعد شاداب 32 رنز کی اننگز کھیل کر آؤٹ ہوئے۔ آصف علی صرف 7 رنز کے مہمان ثابت ہوئے۔



لیوک رونکی وکٹ پر ڈٹے رہے اور انہوں نے 22 گیندوں پر نصف سنچری مکمل کرکے پاکستان سپر لیگ میں تیز ترین نصف سنچری کا ریکارڈ بھی اپنے نام کیا، انہوں نے گزشتہ میچ میں 23 گیندوں پر نصف سنچری اسکور کی تھی جب کہ وہ 41 گیندوں پر 77 رنز کی جارحانہ اننگز کھیل کر آؤٹ ہوئے۔



اس سے قبل اسلام آباد یونائیٹڈ نے لاہور قلندرز کے خلاف ٹاس جیت کر پہلے بولنگ کا فیصلہ کیا تو لاہور قلندرز کی جانب سے اننگز کا آغاز فخرزمان اور پال ڈیوچ نے کیا، دونوں اوپنرز نے 56 رنز کی اوپننگ شراکت قائم کی تاہم فخر زمان 34 رنز بناکر آؤٹ ہوگئے۔



ون ڈاؤن آنے والے آغا سلمان صرف 8 رنز ہی بناسکے جب کہ اوپنر پال ڈیوچ نے جارحانہ کھیل کا مظاہرہ کیا اور نصف سنچری اسکور کرتے ہوئے 62 رنز بنائے تاہم 122 کے مجموعی اسکور پر وہ فہیم اشرف کی گیند پر آؤٹ ہوگئے۔



اوپنرز کی شاندار کارکردگی کے بعد لاہور قلندرز کا مڈل آرڈر خاص مزاحمت نہ کرسکا، دنیش رامدین بھی صرف 9 رنز بناکر فہیم اشرف کی گیند پر بولڈ ہوگئے۔



مڈل آرڈر کے آؤٹ ہونے کے بعد کپتان برینڈن مک کولم نے جارحانہ کھیل کا مظاہرہ کیا اور صرف 13 گیندوں پر 34 رنز کی اننگ کھیلی جس کی بدولت لاہور قلندرز نے مقررہ اوورز میں 8 وکٹوں کے نقصان پر 163 رنز بنائے۔
facebook whatsapp

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ہمارے ساتھ شامل ہوں

مقبول خبریں

پاکستان

پنجاب میں اخبارات کے ٹینڈر اشتہارات روکنے پر سی پی این ای کا اظہار تشویش

پنجاب میں اخبارات کے ٹینڈر اشتہارات روکنے پر سی پی این ای کا اظہار تشویش

 3 گھنٹے بعد |
چیئرمین واپڈا کا تربیلا کے پانچویں توسیعی منصوبے کا دورہ

چیئرمین واپڈا کا تربیلا کے پانچویں توسیعی منصوبے کا دورہ

 3 گھنٹے بعد |
آئیڈیاز 2024 کا انعقاد 19 سے 22 نومبر تک ہوگا، وزیر اعلیٰ سندھ

آئیڈیاز 2024 کا انعقاد 19 سے 22 نومبر تک ہوگا، وزیر اعلیٰ سندھ

 2 گھنٹے بعد |
سینیٹر قاسم رونجھو اور نسیمہ احسان بی این پی سے فارغ

سینیٹر قاسم رونجھو اور نسیمہ احسان بی این پی سے فارغ

 ایک گھنٹہ بعد |
نواز شریف واشنگٹن ڈی سی پہنچ گئے‘ نیویارک بھی جائینگے

نواز شریف واشنگٹن ڈی سی پہنچ گئے‘ نیویارک بھی جائینگے

 ایک گھنٹہ بعد |
express

express.pk خبروں اور حالات حاضرہ سے متعلق پاکستان کی سب سے زیادہ وزٹ کی جانے والی ویب سائٹ ہے۔ اس ویب سائٹ پر شائع شدہ تمام مواد کے جملہ حقوق بحق ایکسپریس میڈیا گروپ محفوظ ہیں۔

تمام مواد کے جملہ حقوق © 2024 ایکسپریس اردو