این اے 24 مسرت شاہین نے قرآنی آیات درست سنائیں کاغذات نامزدگی منظور

ریٹرننگ افسر نے ان سے کہاکہ وہ کوئی قرآنی آیات سنائیں تو مسرت شاہین نے انہیں آیت الکرسی اورسورۃ کوثردرست سنادی۔ فوٹو: فائل

---

قومی اسمبلی کے حلقہ این اے24 ڈیرہ کے ریٹرننگ افسرنے تحریک مساوات کی چیئرپرسن مسرت شاہین کی طرف سے اپنے کاغذات نامزدگی پر تحفظات دور کردیے۔

جس کے بعد ان کے کاغذات نامزدگی کو منظور کرلیاگیا،قبل ازیں ریٹرننگ افسرنے مسرت شاہین کے کاغذات نامزدگی میں کئی معلومات نہ ہونے کی وجہ سے انہیں واپس کردیاتھا۔بدھ کو ریٹرننگ افسر کی عدالت میں مسرت شاہین کے کاغذات نامزدگی کی اسکروٹنی ہوئی تو ریٹرننگ افسر نے ان سے کہاکہ وہ کوئی قرآنی آیات سنائیں تو مسرت شاہین نے انہیں آیت الکرسی اورسورۃ کوثردرست سنادی۔