کراچی کنگز نے ملتان سلطانز کو شکست دیدی

کراچی کنگز کی جانب سے جوئے ڈینلی 78 اور بابراعظم 58 رنز بناکر آؤٹ ہوئے۔ فوٹو: فائل

---

پاکستان سپر لیگ کے میچ میں کراچی کنگز نے ملتان سلطانز کو 63 رنز سے شکست دے دی۔

دبئی میں کھیلے گئے پاکستان سپر لیگ کے میچ میں کراچی کنگز نے ڈینلی اور بابر اعظم کی نصف سنچریوں کے بدولت مقررہ 20 اوورز میں 188 رنز بنائے جس کے جواب میں ملتان سلطانز کی پوری ٹیم 125 رنز پر آؤٹ ہوگئی۔

OUT! 6.2 Imad Wasim to Ahmed Shehzad
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/coMnSgnMEP

— PakistanSuperLeague (@thePSLt20) March 10, 2018

ملتان سلطانز کی جانب سے کمارا سنگاکارا اور احمد شہزاد نے اننگز کا آغاز کیا، 41 رنز کا آغاز فراہم کرنے کے بعد سنگاکارا 18 رنز پر محمد عرفان کی گیند پر آؤٹ ہوگئے جب کہ تیسرے نمبر پر بیٹنگ کے لیے آنے والے صہیب مقصود بھی صرف 11 رنز ہی بناسکے۔

احمد شہزاد بھی زیادہ دیر وکٹ پر نہ رکے اور 24 رنز بنانے کے بعد عماد وسیم نے انہیں پویلین واپس بھیج دیا۔

OUT! 9.5 Shahid Afridi to Saif Badar
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/km66BUvqa9

— PakistanSuperLeague (@thePSLt20) March 10, 2018

ٹاپ آرڈر کے آؤٹ ہوجانے کے بعد شاہد آفریدی نے ملتان سلطانز کی مڈل آردڑ کو بری طرح روند ڈالا، انہوں نے شعیب ملک کو 6، پولارڈ کو 3 اور سیف بابر کو 13 رنز پر پویلین بھیج کر کراچی کنگز کو فتح کے قریب لاکھڑا کیا۔

SIX! 14.3 Joe Denly to Sohail Tanvir
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/BKctv21K43

— PakistanSuperLeague (@thePSLt20) March 10, 2018

ملتان سلطانز کی جانب سے سہیل تنویر نے شاندار بلے بازی کا مظاہرہ کرتے ہوئے 34 رنز بنائے۔ کراچی کنگز کی جانب سے شاہد آفریدی نے 3، محمد عرفان نے 2 جب کہ عماد وسیم، محمد عامر ، عثمان شنواری نے ایک ایک وکٹ حاصل کی۔

اس سے قبل ملتان سلطانز کے کپتان شعیب ملک نے ٹاس جیت کر پہلے فیلڈنگ کا فیصلہ کیا۔ کراچی کنگز کی جانب سے جوئے ڈینلی اور لینڈل سیمنز اوپننگ کے لیے آئے اور ٹیم کو انتہائی سست آغاز فراہم کیا، سیمنز 13 گیندوں پر صرف 4 رنز کھیل کر پویلین واپس لوٹ گئے۔

100 comes up for Karachi Kings!
SIX! 13.1 Imran Tahir to Babar Azam
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/tqdWeHdgsK

— PakistanSuperLeague (@thePSLt20) March 10, 2018

بابر اعظم تیسرے نمبر پر بیٹنگ کے لیے آئے اور ڈینلی کے ساتھ ملکر 118 رنز کی شراکت قائم کی، اس دوران دونوں کھلاڑیوں نے اپنی نصف سنچریاں مکمل کیں، ڈینلی 55 گیندوں پر 78 رنز کی شاندار اننگز کھیل کر آؤٹ ہوئے جب کہ بابر اعظم 39 گیندوں پر 58 رنز بنانے کے بعد پویلین لوٹے۔

SIX! 18.4 Hardus Viljoen to Colin Ingram
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/yo8K0qlksz

— PakistanSuperLeague (@thePSLt20) March 10, 2018

آخری اوورز میں کولنگ انگرم نے جارحانہ بلے بازی کا مظاہرہ کرتے ہوئے 8 گیندوں پر 29 رنز کی اننگز کھیلی۔