مسلم لیگ ن کے رہنما چوہدری محمد شریف گجر کار حادثہ میں ڈائیور سمیت جاں بحق

جاں بحق ہونے والے محمد شریف گجر قومی اسمبلی کے حلقہ 79 سے مسلم لیگ(ن) کے امیدوار تھے۔ فوٹو: فائل

---

KARACHI: مسلم لیگ (ن) کے مرکزی رہنما اورسابق ڈائریکٹر ایف آئی اے چوہدری محمد شریف گجر کار حادثے میں ڈائیور سمیت جاں بحق ہوگئے۔

موٹروے شیخوپورہ انٹرچینج کے نزدیک تیزرفتاری کے باعث 2 گاڑیاں ٹرک کے ساتھ ٹکرا گئیں جس کے نتیجے میں مسلم لیگ (ن )کے مرکزی رہنما اور سابق ڈائریکٹر ایف آئی اے چوہدری محمد شریف گجر اور ان کا ڈائیور محمد خلیل احمد جاں بحق ہو گئے جبکہ صائمہ بی بی ،عثمان ظفر ،سفیان اور نز ہت شدید زخمی ہوگئے۔

چوہدری محمد شریف گجر لاہور سے اپنے آبائی علاقے سمندری جا رہے تھے کہ تیزرفتاری کے باعث ان کی پراڈو ایک ٹرک کے ساتھ ٹکراگئی اور اس دوران ایک اور گاڑی بھی ٹرک سے ٹکراگئی، واقعے کی اطلاع ملتے ہی ریسکوٹیمیں اور موٹروے پولیس موقع پر پہنچ گئیں جنہوں نے فروری طور پرزخمیو ں کو ڈسٹرکٹ ہیڈ کوارٹر اسپتال شیخوپورہ منتقل کریا جبکہ زخمی ہونے والے افراد کی حالت تشویشناک بتائی جارہی ہے۔

واضح رہے جاں بحق ہونے والے محمد شریف گجر قومی اسمبلی کے حلقہ 79 سے مسلم لیگ(ن) کے امیدوار تھے۔