ویسٹ انڈیز بورڈ سے معاہدہ ہوگیا ٹی ٹوئنٹی سیریز کراچی میں ہوگی نجم سیٹھی

وزیراعلیٰ سندھ کراچی میں میچز کے حوالے سے ہمارے ساتھ مکمل تعاون کر رہے ہیں، نجم سیٹھی۔ فوٹو: فائل

---

چیئرمین پی سی بی نجم سیٹھی کا کہنا ہے کہ ویسٹ انڈیز سے ٹی ٹوئنٹی سیریز کا معاہدہ ہوگیا ہے، کراچی تینوں میچز کی میزبانی کرے گا۔

پاکستان کرکٹ بورڈ کے چیئرمین نجم سیٹھی نے ویسٹ انڈیز سے ٹی ٹوئنٹی سیریز آئندہ ماہ کراچی میں منعقد کرانے کی خوشخبری سنادی، سماجی رابطے کی ویب سائٹ پر ٹوئٹ کرتے ہوئے نجم سیٹھی نے اعلان کیا کہ ویسٹ انڈین ٹیم دورہ پاکستان کے دوران تینوں ٹی ٹوئنٹی میچز کراچی میں کھیلے گی۔

Good news! West Indies have agreed to play 3 T20 matches in KARACHI on 1,2 and 4th April. CM Sindh is FULLY supporting this PCB initiative. 👍

— Najam Sethi (@najamsethi) March 11, 2018

چیئرمین پی سی بی نے کہا کہ پاکستان اور ویسٹ انڈیز کے درمیان یہ 3 ٹی ٹوئنٹی میچز یکم، 2 اور 4 اپریل کو ہوں گے، وزیراعلیٰ سندھ اس حوالے سے ہمارے ساتھ مکمل تعاون کر رہے ہیں۔