ملتان سلطانز کے پیسر عمرگل نے گھٹنے کی انجری سے نجات حاصل کرلی۔

سماجی رابطے کی ویب سائٹ پر اپنے پیغام میں انھوں نے کہا کہ کوئٹہ کے خلاف میچ میں فیلڈنگ کے دوران زخمی ہوگیا تھا لیکن اب مکمل رن اپ کے ساتھ بولنگ کررہا ہوں، میں اگلے میچ میں ایکشن میں نظر آنے کے لیے تاب ہوں۔

یاد رہے کہ ملتان سطانز کو پلے آف مرحلے میں جگہ بنانے کے لیے منگل کو اسلام آباد کے خلاف شیڈول میچ میں فتح درکار ہے۔ عمرگل نے ابھی تک پی ایس ایل میں ایک میچ ہی کھیلا اور بہترین بولنگ کرتے ہوئے 24رنز کے عوض 6 شکار کیے ہیں۔