امیتابھ بچن کی شوٹنگ کے دوران طبیعت بگڑ گئی

امیتابھ بچن نے اپنی طبیعت خرابی کی اطلاع آج صبح ہی دی تھی؛ فوٹوفائل

---

LONDON: بالی ووڈ کے شہنشاہ امیتابھ بچن کی طبیعت شوٹنگ کے دوران بگڑ گئی۔

بھارتی میڈیا کے مطابق امیتابھ بچن ان دنوں اپنی نئی فلم''ٹھگ آف ہندوستان''کی شوٹنگ کے سلسلے میں جودھ پور میں موجود ہیں اور بغیر آرام کیے مسلسل شوٹنگ کررہے ہیں۔ گزشتہ روز بھی وہ پوری رات شوٹنگ کررہے تھے جس کے باعث ان کی طبیعت خراب ہوگئی۔ امیتابھ بچن نے آج صبح تقریباً 5 بجے ٹویٹر پر اپنی خراب طبیعت کی اطلاع دی تھی اور کہا تھا کہ طبیعت خراب ہونے کے باوجود وہ شوٹنگ پر جارہے ہیں کیونکہ بغیر محنت کے کچھ بھی نہیں ملتا۔

اس خبرکوبھی پڑھیں: امیتابھ کی ایوارڈ شو میں عدم شرکت

T 2741 - 4:51 AM .. and just back from work .. ! बिना मेहनत के कुछ नहीं मिलता
the city Jodhpur sleeps .. and so shall I in a while after connecting with the well wishers .. love🙏🙏🙂🌹🌹 pic.twitter.com/2bsjzkLp3U

— Amitabh Bachchan (@SrBachchan) March 12, 2018

امیتابھ کی خراب صحت کے باعث سیٹ پر موجود ہر شخص پریشان ہوگیا اور ان کے لیے خصوصی طور پر ممبئی سے ڈاکٹرز کی ایک ٹیم جودھ پور بلوائی گئی۔ امیتابھ بچن کے ہاتھ میں بھی ہلکا درد تھا ڈاکٹرزکی ٹیم نے ان کا چیک اپ کرنے کے بعد کہا بگ بی مسلسل کام کرنے کے باعث تھکاوٹ کا شکار ہوگئے ہیں جب کہ ان کا بلڈ پریشر بھی نارمل ہے۔ ڈاکٹرز نے انہیں آرام کا مشورہ دینے کے ساتھ کہا ہے کہ انہیں مائع غذا دی جائے تاکہ ان کی توانائی بحال رہے۔

واضح رہے کہ فلم''ٹھگ آف ہندوستان''میں امیتابھ بچن کے علاوہ اداکار عامر خان، کترینہ کیف اور فاطمہ ثنا شیخ مرکزی کرداروں میں نظر آئیں گے۔ فلم کی ریلیز کا اعلان تاحال نہیں کیاگیا ہے۔