ن لیگ کے رکن پنجاب اسمبلی پی ٹی آئی میں شامل

نئے پاکستان کی تعمیر کی منزل ان شاءاللہ قریب ہے، عمران خان،فوٹو:پی ٹی آئی

---

حکمران جماعت مسلم لیگ (ن) کے رکن پنجاب اسمبلی رضا نصراللہ گھمن نے تحریک انصاف میں شمولیت اختیار کرلی۔

فیصل آباد سے ایک اور مسلم لیگ(ن) رکن اسمبلی پی ٹی آئی میں شامل ہوگئے۔ پنجاب اسمبلی کے موجودہ رکن رضا نصر اللہ گھمن نے ساتھیوں سمیت تحریک انصاف جوائن کرلی۔

رضا نصر اللہ گھمن نے تحریک انصاف کے چیئرمین عمران خان سے ملاقات کرکے پی ٹی آئی میں شمولیت کا اعلان کیا۔اس موقع پر رضا نصر اللہ نے کہا کہ ووٹ کی حرمت کیلیے 126 روز کا دھرنا سیاسی تاریخ کا سنہری باب ہے جب کہ پنجاب میں عوام تبدیلی کیلیے مکمل طور پرتیارہیں۔

یہ بھی پڑھیں: ن لیگ کے رکن قومی اسمبلی رضا حیات ہراج پی ٹی آئی میں شامل

تحریک انصاف کے چیئرمین عمران خان نے کہا کہ نصراللہ گھمن اور ان کے ساتھیوں کی پی ٹی آئی میں شمولیت کا خیرمقدم کرتے ہیں، نئے پاکستان کی تعمیر کی منزل ان شاءاللہ قریب ہے، ملک بھر میں خصوصاً پنجاب میں تبدیلی کی تڑپ دیکھ رہا ہوں جب کہ عوامی رابطہ مہم کے بعد انتخابی مہم کا آغاز کریں گے۔

پنجاب میں کپتان کے ہاتھوں نون لیگ کی مزید پٹائی !

موجودہ صوبائی اسمبلی کے رکن رضا نصر اللہ گھمن ہزاروں ساتھیوں سمیت تحریک انصاف میں شامل .

شمولیت کا اعلان چیئرمین تحریک انصاف سے ملاقات کے بعد کیا .

رضا نصر اللہ گھمن فیصل آباد سے مسلم لیگ نون کے رکن صوبائی اسمبلی ہیں. #PTI pic.twitter.com/fDRmRhKPlF

— PTI (@PTIofficial) March 14, 2018