کپل نے نئے شو سے متعلق مجھ سے رابطہ نہیں کیا سنیل

انتظار کرکے میں نے کوئی اور شو سائن کرلیا ہے، سنیل گروور ۔ فوٹو : فائل

---

بھارت کے مقبول مزاحیہ اداکار سنیل گروور کا کہنا ہے کہ کپل شرما نے اپنے نئے شو '' فیملی ٹائم ود کپل شرما '' سے متعلق مجھ سے کوئی رابطہ نہیں کیا۔

بھارت میں سب سے زیادہ دیکھا جانے والا کامیڈی پروگرام ''دی کپل شرما شو'' کی مقبولیت میں گزشتہ سال کمی آئی اور بلآخر شو بند ہوگیا جس کی وجہ میزبان کپل شرما کی ساتھی اداکار سنیل گروور کے ساتھ لڑائی تھی۔ اب کپل نے ایک نئے شو کے ساتھ دھماکے دار انٹری دی ہے اس حوالے سے مداحوں میں بھی بے چینی پائی جاتی ہے کہ ان کے نئے شو میں سنیل گروور بھی مداحوں کے چہروں پر مسکراہٹیں بکھیرتے نظر آئیں گے کہ نہیں۔

سماجی رابطے کی ویب سائٹ پر ایک مداح نے سنیل گروور سے درخواست کرتے ہوئے کہا کہ آپ دوبارہ کپل شرما شو میں آجائیں ہم آپ کو بہت یاد کرتے ہیں۔

https://twitter.com/ajaz5252/status/974140465951006720

سنیل گروور نے سماجی رابطے کی ویب سائٹ پر ہی مداح کا جواب دیتے ہوئے کہا کہ بھائی آپ لوگوں کی طرح کچھ اور لوگ بھی مجھ سے یہی پوچھ رہے ہیں لیکن مجھے اس شو کے لئے کوئی فون نہیں آیا۔ انہوں نے ازراہ مذاق کہا کہ میرا فون نمبر بھی وہی ہے، انتظار کرکے میں نے کوئی اور شو سائن کرلیا ہے، آپ لوگوں کی دعاؤں سے اچھے پروجیکٹ کے ساتھ جڑ گیا ہوں اور جلد ہی آپ لوگوں کے سامنے آؤں گا۔

Bhai aap jaise kuch aur log bhi mujhse same poochte hain. Lekin mujhe iss show ke liye KOI call nahin aaya. Mera phone number bhi same hai.
Intezar kar Ke ab maine kuch aur sign kar liya kal. Aap logon ki duaon se ek achhe project Ke sath juda hoon. Jaldi aapke samne Aata hoon🙏 https://t.co/t6n04SxtMK

— Sunil Grover (@WhoSunilGrover) March 16, 2018

واضح رہے''دی کپل شرما شو'' میں کپل کے ساتھی اداکار سنیل گروور سے جھگڑے کی وجہ سے شو کے دیگر اہم کردار بھی اس پروگرام سے الگ ہوگئے بعد ازاں شو کی مقبولیت میں کمی اور کپل کی خراب صحت کی وجہ سے شو کو بند کرنا پڑا۔