امریکا پاکستان کو 2ارب ڈالر کا دفاعی اسلحہ فروخت کرے گا

امریکا نے پاکستان کو دفاعی سازوسامان فروخت کرنے کااجازت نامہ جاری کردیا ہے۔

خبررساں ادارے کے مطابق گزشتہ 6ماہ کے دوران یہ دوسرا موقع ہے جب امریکا نے پاکستان کو اربوں ڈالرکا دفاعی سازوسامان فروخت کرنے کا اجازت نامہ جاری کیا ہے۔اس اجازت نامے کے بعد تقریباً 2ارب ڈالر مالیت کا دفاعی سازوسامان فروخت کیاجائے گا۔




امریکی محکمہ خارجہ کے ترجمان نے تصدیق کرتے ہوئے بتایا کہ اس اجازت نامے کی منظوری ملٹری فنانسنگ پروگرام کے تحت دی گئی ہے۔انھوں نے کہا کہ پاکستان کو دفاعی سازوسامان کی فروخت کا فیصلہ قومی سلامتی مفادات کے تناظر میں کیا گیا ہے۔