عید صرف پاکستانیوں کے لیے نہیں ہے عدنان سمیع

بھارت میں پاکستان سے زیادہ مسلمان ہیں، عدنان سمیع۔ فوٹو : فائل

---

لاہور: گلوکار عدنان سمیع کا کہنا ہے کہ عید صرف پاکستانیوں کے لیے نہیں ہے بلکہ اس کا تعلق پوری مسلم امہ سے ہے جب کہ بھارت میں پاکستان سے زیادہ مسلمان ہیں۔

پاکستانی شہریت چھوڑ کر بھارتی شہریت اختیار کرنے والے گلوکار عدنان سمیع خان آئے روز پاکستان مخالف بیانات دے کرخبروں کی زینت بن جاتے ہیں۔ ایسا ہی کچھ اس بار بھی ہوا جب عدنان سمیع نے سوشل میڈیا سائٹ ٹوئٹر پر ہندوؤں کے مذہبی تہوار کی مبارکباد دی جس پر پاکستانی مداح نے لکھا کہ مجھے امید ہے کہ آپ ہمیں عید کی مبارکباد دینا نہیں بھولیں گے۔

My dear, Eid does not just belong to you, it belongs 2 the entire Muslim Ummah around d world. Kindly refrain from making celebrations into an Indo-Pak subject! Incidentally there r more Muslims in India than in Pakistan.
‘Kabhi Tho Nazar Milao, Kabhi Tho Kareeb Aao..’ love.💖😊 https://t.co/1VEIoh6jfH

— Adnan Sami (@AdnanSamiLive) March 18, 2018

عدنان سمیع نے فوراً ٹوئٹ کا جواب دیتے ہوئے کہا کہ میرے عزیز عید صرف پاکستانیوں کے لیے نہیں ہے، اس کا تعلق پوری مسلم امہ سے ہے تو براہ کرم اس کو صرف بھارت اور پاکستان کا موضوع نہ بنایا جائے جب کہ اتفاق سے بھارت میں پاکستان سے زیادہ مسلمان ہیں۔

اس خبر کو بھی پڑھیں : بھارت نے عدنان سمیع کو شہریت دے دی

واضح رہے کہ عدنان سمیع 2001 سے بھارت میں سکونت اختیار کئے ہوئے ہیں اور متعدد بار پاکستان مخالف بیانات بھی دے چکے ہیں تاہم بھارتی حکومت نے انہیں انسانی ہمدردی کی بنیاد پر یکم جنوری 2016 سے شہریت دی تھی۔