کراچی پولیس اور سی پی ایل سی کی کارروائی 6 سال کا بچہ بازیاب 2 اغوا کار ہلاک

مغوی بچے کواتحاد ٹاون میں واقع ایک اسکول میں قیدرکھا گیا تھا,ایس ایس پی نیازکھوسو فوٹو: فائل

---

ISLAMABAD: اتحادٹاون میں پولیس اور سی پی ایل سی نے ایک مشترکہ کارروائی میں 6 سالہ بچے کوبازیاب کرالیاجبکہ 2 اغواکارمقابلے میں مارے گئے ۔

پولیس کے مطابق دبئی میں مقیم ایک شخص ثنااللہ کے 6 سالہ بیٹے عمیراللہ کو 22 مارچ کوبلدیہ ٹاؤن کے علاقے سے اغوا کیا گیا تھا جبکہ اغواکاروں نے اس کی رہائی کے بدلے 2 کروڑروپے تاوان کامطالبہ کیاتھا۔

اینٹی وائلنٹ کرائم سیل کے ایس ایس پی نیازکھوسوکے مطابق مغوی بچے کواتحاد ٹاون میں واقع ایک اسکول میں قیدرکھاگیاتھا ، پولیس کی ٹیم جب مذکورہ جگہ پر پہنچی توملزمان نے فائرنگ شروع کردی، پولیس کی جوابی فائرنگ میں میں 2 اغوا کار ہلاک ہوگئے جبکہ 2 اغوا کارفرارہونے میں کامیاب ہوگئے۔ انہوں نے کہا کہ مارے گئے دونوں ملزمان کا تعلق کالعدم لشکر جھنگوی سے جب کہ ان کے فرارہونے والے ساتھیوں کی گرفتاری کیے لئے کوششیں کی جارہی ہیں۔