آرمی چیف سے وزیراعلیٰ پنجاب کی کوئی ملاقات نہیں ہوئی ترجمان پاک فوج

میڈیا ہاؤس کی جانب سے ملاقات کی جھوٹی خبریں چلانا انتہائی غیر ذمہ دارانہ ہیں،آئی ایس پی آر- فوٹو:فائل

---

پاک فوج کے ترجمان نے آرمی چیف جنرل قمر جاوید باجوہ سے وزیراعلیٰ پنجاب شہباز شریف کی ملاقاتوں کی تردید کردی۔

پاک فوج کے شعبہ تعلقات عامہ (آئی ایس پی آر) نے آرمی چیف جنرل قمر جاوید باجوہ سے وزیراعلیٰ پنجاب شہباز شریف کی دو ملاقاتوں کی تردید کرتے ہوئے کہا کہ اس حوالے سے ایک میڈیا ہاؤس کی جانب سے چلائی گئی خبربے بنیاد ہے۔

News about meeting of Army Chief with CM Punjab twice during last 72 hours being reported by a media house is baseless and highly irresponsible. No such meeting has taken place.

— DG ISPR (@OfficialDGISPR) March 19, 2018

ترجمان پاک فوج کے مطابق گزشتہ 72 گھنٹوں کے دوران جنرل قمر جاوید باجوہ سے شہباز شریف کی ملاقات کی خبریں من گھڑت اور بے بنیاد ہیں جب کہ ملاقاتوں کی خبریں ایک میڈیا ہاؤس کی جانب سے چلائی گئیں جوکہ انتہائی غیر ذمہ دارانہ ہیں۔