پاکستان کے ماجد خان نے بھارت میں جاری ایشین انڈر 21 اسنوکر چیمپئن شپ کے سیمی فائنل میں رسائی حاصل کرلی ہے۔

بھارتی ریاست مدھیہ پردیش کے شہر اندور میں کھیلی جارہی ایشین انڈر 21 اسنوکر چیمپئین شپ کے کوارٹر فائنل میں ماجد خان نے چینی مخالف زوئی لونگ کو شکست دی جبکہ سیمی فائنل میں بھی ان کا مقابلہ چین کے کوئسٹ زو یونگ ہی سے ہوگا، ایونٹ کا فائنل کل کھیلا جائے گا۔

واضح رہے کہ پاکستان کی جانب سے ماجد خان کے علاوہ حمزہ اکبر نے بھی کوارٹر فائنل میں رسائی حاصل کی تھی تاہم وہ چین کے زو ہو یو لونگ سے ہار کر ایونٹ سے باہر ہوگئے۔