ملک بھر سے کاغذات نامزدگی کی وصولی کا عمل مکمل ہوگیا الیکشن کمیشن

الیکشن کمیشن کو 24ہزار94کاغذات نامزدگی موصول ہوئے جن میں سے 20 ہزار 743 کی ابتدائی جانچ پڑتال مکمل کرلی گئی ہے۔

الیکشن کمیشن کی جانب سے جاری بیان کے مطابق ملک بھر سے کاغذات نامزدگی کی وصولی مکمل ہوگئی ہے،موجودہ انتخابات میں ملک کی تاریخ میں سب سے زیادہ کاغذات نامزدگی موصول ہوئے ہیں جن کی تعداد 24 ہزار 94 ہے جبکہ 2008 میں موصول ہونے والے کاغذات نامزدگی کی تعداد 15 ہزار تھی۔

الیکشن کمیشن کا کہنا ہے کہ موصول ہونے والے کاغذات نامزددگی میں سے قومی اسمبلی کےلیے7ہزار364، پنجاب اسمبلی کےلیے8 ہزار370، سندھ اسمبلی کے لیے 4ہزار389، خیبرپختونخوااسمبلی کے لیے2 ہزار522 جبکہ بلوچستان اسمبلی کے لیےایک ہزار449کاغذات نامزدگی موصول ہوئے۔