پشاور زلمی پاکستان سپر لیگ کے فائنل میں پہنچ گئی

پشاور زلمی کے 170 رنز کے جواب میں کراچی کنگز 157 رنز ہی بناسکی۔

Sports Reporter March 21, 2018

کامران اکمل نے 27 گیندوں پر 77 رنز کی جارحانہ اننگز کھیلی۔فوٹو: پی ایس ایل

پاکستان سپر لیگ تھری کے دوسرے ایلیمینیٹر میچ میں پشاور زلمی نے کراچی کنگز کو 13 رنز سے شکست دے کر فائنل میں رسائی حاصل کرلی۔

لاہور میں کھیلے گئے تیسرے پلے آف میچ میں پشاور زلمی نے کامران اکمل کی جارحانہ بلے بازی کی بدولت مقررہ 16 اوورز میں 170 رنز بنائے جس کے جواب میں کراچی کنگز نے مقررہ اوورز میں 2 وکٹ کے نقصان پر 157 رنز بنائے۔

کراچی کنگز کی جانب سے مختار احمد اور جوئے ڈینلی نے اننگز کا آغاز کیا لیکن مختار صرف ایک رنز بنانے کے بعد سمین گل کا شکار بن گئے۔

OUT! 1.2 Sameen Gul to Mukhtar Ahmed
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/kcwUUBIpVR
— PakistanSuperLeague (@thePSLt20) March 21, 2018

بابر اعظم تیسرے نمبر پر بیٹنگ کے لیے آئے اور ڈینلی کے ساتھ ملکر اسکور بورڈ کو آگے بڑھانے کی کوشش کی، اس دوران ڈینلی نے سمین گل کو شاندار چھکا بھی رسید کیا۔

SIX! 3.3 Sameen Gul to Joe Denly
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/stvAwxq4Zw
— PakistanSuperLeague (@thePSLt20) March 21, 2018

بابر اعظم اور ڈینلی نے دوسری وکٹ کے لیے 117 رنز کی قیمتی شراکت قائم کی اس دوران دونوں بلے بازوں نے گراؤنڈ کے چاروں اطراف شارٹس کھیلے اور اپنی نصف سنچریاں بھی مکمل کیں۔ بابر اعظم 45 گیندوں پر 63 رنز کی اننگز کھیلنے کے بعد ایک اوور پہلے پویلین واپس لوٹے، ان کی اننگز میں 2 چھکے اور 6 چوکے شامل تھے۔

SIX! 14.4 Hasan Ali to Joe Denly
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/ijcLkoRZ8L
— PakistanSuperLeague (@thePSLt20) March 21, 2018

جوئے ڈینلی نے آخری اوور تک وکٹ پر موجود رہ کر ٹیم کو جتوانے کی بھرپور کوشش کی لیکن وہ اپنے مقصد میں کامیاب نہ ہوسکے اور 79 رنز پر ناقابل شکست رہے۔

اس سے قبل کراچی کنگز کی جانب سے کپتانی کے فرائض انجام دینے والے محمد عامر نے پشاور زلمی کے خلاف ٹاس جیت کر پہلے فیلڈنگ کا فیصلہ کیا۔ پشاور زلمی کی جانب سے کامران اکمل اور اندرے فلیچر نے اننگز کا آغاز کیا۔

محمد عامر نے پہلے اوور میں صرف 2 رنز دیے لیکن دوسرے اوور میں کامران اکمل نے عثمان شنواری کو شاندار چھکا لگاکر اپنے خطرناک عزائم کا اظہار کیا جب کہ محمد عامر نے اپنے دوسرے اوور میں صرف 3 رنز دیے۔

SIX! 1.6 Usman Khan to Kamran Akmal
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/kVPbHWRT6J
— PakistanSuperLeague (@thePSLt20) March 21, 2018

کامران اکمل نے میچ کے پانچویں اوور میں 25 رنز بٹورے انہوں نے عثمان شنواری کو ابتدائی 5 گیندوں پر 5 باؤنڈریاں رسید کیں جس میں 2 چھکے اور 3 چوکے شامل تھے۔

SIX! 4.5 Usman Khan to Kamran Akmal
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/xlkbP3D8vQ
— PakistanSuperLeague (@thePSLt20) March 21, 2018

پشاور زلمی کے دوسرے اوپننگ بلے باز اندرے فلیچر نے بھی کامران اکمل کا بھرپور ساتھ دیتے ہوئے جارحانہ موڈ اپنایا اور روی بوپارا کو بلند وبانگ چھکا رسید کیا۔

SIX! 5.6 Ravi Bopara to Andre Fletcher
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/zrnZisNOMy
— PakistanSuperLeague (@thePSLt20) March 21, 2018

اس دوران کامران اکمل نے پاکستان سپر لیگ کی تیز ترین نصف سنچری اسکور کی، انہوں نے صرف 17 گیندوں پر 54 رنز کی جارحانہ اننگز کھیل کر یہ ریکارڈ اپنے نام کیا۔ اس سے قبل اسلام آباد یونائیٹڈ کے اوپننگ بلے باز لیوک رونکی نے پہلے پلے آف میچ میں کراچی کنگز کے خلاف ہی 19 گیندوں پر نصف سنچری اسکور کی تھی۔

50 comes up for Kamran Akmal, Fastest PSL fifty, off 17 balls!
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/IHyB8n8IPz
— PakistanSuperLeague (@thePSLt20) March 21, 2018

کراچی کنگز کی جانب سے روی بوپارا نے 10ویں اوور میں پہلے اندرے فلیچر کو 34 رنز پر پویلین بھیجا لیکن پھر کامران اکمل نے انہیں بلند وبانگ چھکا رسید کیا مگر اگلی ہی گیند پر بوپارا نے ان کی اننگز کا بھی خاتمہ کردیا۔ کامران اکمل 27 گیندوں پر 77 رنز کی جارحانہ اننگز کھیل کر آؤٹ ہوئے۔ ان کی اننگز میں 8 چھکے اور 5 چوکے شامل تھے۔

SIX! 9.5 Ravi Bopara to Kamran Akmal
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/XJeUmhELBw
— PakistanSuperLeague (@thePSLt20) March 21, 2018

ابتدائی اوور میں ناقص بولنگ کے بعد کراچی کنگز کے بولرز خاص کر روی بوپارا نے نہ صرف بعد میں آنے والے بلے بازوں کو کھل کر کھیلنے سے روکا بلکہ پشاور زلمی کی ابتدائی 3 وکٹیں بھی انہیں کے حصے میں آئیں۔

OUT! 11.6 Ravi Bopara to Mohammad Hafeez
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/Ql1wMdcpfq
— PakistanSuperLeague (@thePSLt20) March 21, 2018

محمد حفیظ کی اننگز 13 رنز تک محدود رہی اور لیام ڈاسن بھی صرف 13 رنز ہی بناسکے، وہ عثمان شنواری کا شکار بنے جب کہ ڈیرن سیمی نے 12 گیندوں پر 23 رنز کی جارحانہ اننگز کھیلی۔

SIX! 15.1 Tymal Mills to Darren Sammy
Watch ball by ball highlights at https://t.co/FqxiqHS5o8 #KKvPZ #HBLPSL #PSL2018 @_cricingif pic.twitter.com/I5tubOBrSH
— PakistanSuperLeague (@thePSLt20) March 21, 2018

پشاور زلمی کے بلے باز تمیم اقبال انجری کے باعث میچ میں شریک نہیں ہوئے ان کی جگہ کرس جورڈن کو ٹیم کا حصہ بنایا گیا۔

کراچی کنگز کے کپتان عماد وسیم اور شاہد آفریدی کے ان فٹ ہونے کی وجہ سے وہ بھی ٹیم کا حصہ نہیں بنے۔ شاہد آفریدی کی جگہ جارح مزاج اوپنر مختار احمد کو موقع دیا گیا جب کہ عماد وسیم کی جگہ اسامہ میر اور محمد عرفان جونیئر کی جگہ دانش عزیز کو ٹیم میں شامل کیا گیا۔

Helicopter arrives at the Gaddafi Stadium to help dry the wet outfield
👏👏👏#DilSeJaanLagaDe #HBLPSL #KKvPZ pic.twitter.com/ohbSxsvkHA
— PakistanSuperLeague (@thePSLt20) March 21, 2018

دوسری جانب بارش رکنے کے باعث بہت دیر تک گراؤنڈ خشک کرنے کا کام جاری رہا جس کے باعث میچ تاخیر کا شکار ہوا اور 16،16 اوورز تک محدود کردیا گیا۔ گراؤنڈ میں موجود پانی کو ہیلی کاپٹر کے ذریعے خشک کیا گیا، گراؤنڈ خشک کرنے کیلئے پاک فوج کے ہیلی کاپٹرز سے بھی مدد لی گئی، شائقین نے ہیلی کاپٹرز دیکھ کر پاکستان زندہ باد اور پاک فوج زندہ باد کے نعرے لگائے۔

Revised playing conditions for the Eliminator 2.#HBLPSL #DilSeJaanLagaDe #KKvPZ pic.twitter.com/jhaYgMJGnC
— PakistanSuperLeague (@thePSLt20) March 21, 2018

شاندار بلے بازی کرنے پر پشاور زلمی کے اوپنر کامران اکمل کو میچ کا بہترین کھلاڑی قرار دیا گیا جب کہ ان کا کہناتھا کہ یہ میچ میرے لیے بہت یادگار رہے گا۔

دوسری جانب میچ کے بعد بات کرتے ہوئے کراچی کنگز کے کپتان محمد عامر کا کہنا تھا کہ کامران اکمل کی اننگز بہت شاندار تھی لیکن شاہد آفریدی اور عماد وسیم کا نہ ہونے کا بہت نقصان ہوا۔ ادھر پشاور زلمی کے کپتان ڈیرین سیمی کا کہنا تھا کہ کھیل مقررہ اوورزسےکم پرچلا جائےتوایک بیٹسمین کوجارحانہ کھیلنا ہوتا ہے جب کہ فائنل کھیلنےکےبعدآرام کروں گا۔