ڈاکٹرز والدہ کے علاج کے لئے نواز شریف کا انتظار کررہے ہیں مریم نواز

کلثوم نواز کسی کی والدہ اور کسی کی اہلیہ بھی ہیں، مریم نواز فوٹو: فائل

---

KARACHI: مسلم لیگ (ن) کی رہنما مریم نواز نے کہا ہے کہ ڈاکٹرز والدہ کے علاج کے سلسلے میں صلاح و مشورے کے لیے نواز شریف کا انتظار کررہے ہیں۔

احتساب عدالت کی جانب سے استثنیٰ کی درخواست مسترد ہونے کے بعد مریم نواز نے ٹوئٹ میں کہا ہے کہ میری والدہ کی طبیعت خراب ہورہی ہے۔ ڈاکٹرز ان کے علاج کے سلسلے میں صلاح و مشورے کے لیے نواز شریف کا انتظار کر رہے ہیں۔

مریم نواز نے کہا کہ والدہ میری اور ابو کی منتظر تھیں۔ اس سلسلے میں انہوں نے فون پر عدالتی اجازت سے متعلق بھی پوچھا لیکن جب عدالتی حکم کا معلوم ہوا تو کہا کہ ہمارا اللّہ مالک ہے!، اللّه ہر بیمار شخص کو اپنے حفظ و امان میں رکھے اور صحت عطا فرمائے، اللہ بچوں پر ان کی ماؤں کا سایہ سلامت رکھے کیونکہ ماں کے بغیر گھر قبرستان لگتا ہے۔

یا اللّه ہر بیمار شخص کو اپنی حفظ و امان میں رکھ انہیں صحت یابی عطا فرما اور ان کی چھوٹی چھوٹی خوشیوں کو ہمیشہ سلامت رکھ ماؤں کا سایہ ہمیشہ ان کے بچوں پر سلامت عطا فرما ۔ ماں کے بغیر گھر قبرستان لگتا ہے 😓
اللّه سب کی ماؤں کو سلامت رکھیں
ماواں ٹھنڈیاں چھاواں ۔#ہم_صحیح_تھے pic.twitter.com/YuZ0y4nhwm

— Mohammad Kamran (@KamranNmg) March 22, 2018

اس سے قبل احتساب عدالت سے باہر میڈیا سے بات کرتے ہوئے مریم نواز نے کہا تھا کہ والدہ کی گردن میں پھر کینسر کی تشخیص ہوئی ہے، ڈاکٹر نواز شریف سے مشورہ کرنا چاہتے ہیں لیکن نیب پراسیکیوٹر کا کہنا ہے کہ پورے خاندان کا وہاں ہونا ضروری نہیں، کلثوم نواز کسی کی والدہ اور کسی کی اہلیہ بھی ہیں، بیماری کسی پر بھی آسکتی ہے۔ ایسی بات نہ کی جاتی تو بہتر تھا۔