کراچی کنگز کےغیرملکی کھلاڑی واپس روانہ انتظامات پر اطمینان کا اظہار

لاہور:پاکستان سپر لیگ تھری کے دوسرے ایلیمینیٹر میچ میں پشاور زلمی کے ہاتھوں ناکامی کا سامنا کرنے کے بعد کراچی کنگز کے غیر ملکی کھلاڑی اپنے اپنے وطن واپس روانہ ہو گئے۔

علامہ اقبال انٹرنیشنل ایئرپورٹ سے واپس روانہ ہونے والے 4 غیرملکی کھلاڑیوں میں انگلینڈ کے روی بوپارا، ٹائمل ملز اور جوئے ڈینلی جب کہ جنوبی افریقہ کے کولن انگرام شامل ہیں۔ کھلاڑیوں کی جانب سے لاہور میں پی ایس ایل انتظامات کی تعریف کی گئی اور انگلش کرکٹر ٹائمل ملز نے اگلے سال دوبارہ پاکستان آنے کے عزم کا اظہار کیا، ٹائمل ملز نے کہا کہ پاکستان میں بہت اچھا وقت گزارا، پی ایس ایل میں پہلی مرتبہ لاہور آیا جہاں بہت زبر دست ماحول تھا اور اب اگلے سال دوبارہ پاکستان آﺅں گا۔

سوشل میڈیا پر اپنے پیغام میں ٹائمل ملز نے کہا کہ "کراچی کنگز کے تمام افراد کا شکریہ، لاہور میں شائقین کا جوش عروج پر تھا، امید ہے کہ یہ میرا پاکستان کا آخری دورہ نہیں ہو گا۔"

Joe Denly "I really enjoyed the PSL and it was great to bring cricket back to Pakistan & hopefully that continues" #PSL2018 pic.twitter.com/MrXbIiHJzF

— Saj Sadiq (@SajSadiqCricket) March 21, 2018

جوئے ڈینلی نے لکھا کہ "پی ایس ایل میں بہت ہی یادگار وقت گزارنے کے بعد واپس گھر جا رہا ہوں، کراچی کنگز کا بہت شکریہ، یو اے ای اور خصوصی طور پر پاکستان میں شائقین کی جانب سے ملنے والی سپورٹ بہت شاندار تھی، فائنلسٹ ٹیموں کے لیے نیک خواہشات۔"

Thank you @TheRealPCB and Pakistan government for taking care of us with top security. Thank you to all the Lahore crowds and all that supported us throughout the @0fficialPSL & last but not least thx u to @KarachiKingsARY and my team mates for yet another enjoyable PSL. LOVE❤️

— Ravi Bopara (@ravibopara) March 22, 2018

روی بوپارا نے لکھا " پی سی بی اور حکومت پاکستان کا ہمارا خیال رکھنے اور بہترین سکیورٹی فراہم کرنے پر شکریہ، لاہور کے شائقین اور پی ایس ایل کے دوران سپورٹ کرنے والے تمام مداحوں کا شکر گزار ہوں، کراچی کنگز کی انتظامیہ اور ساتھی پلیئرز کا بھی ممنون ہوں۔ "