ٹرمپ نے چینی مصنوعات کی درآمد پر 50 ارب ڈالر ٹیکس لگا دیا

 امریکی صدر کی جانب سے ٹیکس کے فیصلے کا جواب دیں گے، چین کا ردعمل۔ فوٹو : فائل

---

امریکا کے صدر ٹرمپ نے چینی مصنوعات کی درآمد پر ٹیکس لگانے کے مسودے پر دستخط کر دے ہیں۔

وائٹ ہاؤس کے حکام کے مطابق صدر ٹرمپ نے چینی درآمدات پر 50 ارب ڈالر محصولات لگانے کے مسودے پر دستخط کیے ہیں۔ ٹرمپ کا کہنا تھا کہ اس اقدام کا مقصد چین کے غیر منصفانہ تجارتی طریقہ کار کو تبدیل کرانا ہے امید کرتے ہیں کہ دوسرے ممالک بھی چین کیخلاف اس اقدام میں ہمارا ساتھ دیں گے۔

دوسری جانب امریکا میں تعینات چین کے سفیر نے کہا ہے کہ چین کے خلاف امریکی ٹیکس کے فیصلے کا جواب دیں گے۔

دریں اثنا امریکی صدر ٹرمپ نے ترکی کے صدر رجب طیب اردوان کو ٹیلی فون کیا ہے۔ وائٹ ہاؤس حکام کے مطابق دونوں رہنماؤں نے باہمی تعلقات کی مضبوطی اور باہمی دلچسپی کے امور پر تبادلہ خیال کیا۔