نواز شریف کو کرپشن سے پاک سمجھنے والے وزیراعظم بے وقوف ہیں عمران خان

وزیراعظم کو ہارس ٹریڈنگ کی اتنی فکر تھی تو ہماری تجویز کی حمایت کیوں نہیں کی، عمران خان فوٹو: فائل

---

KARACHI: تحریک انصاف کے چئیرمین عمران خان کا کہنا ہے شاہد خاقان بطور وزیراعظم منی لانڈرنگ جیسے سنگین جرم پر آنکھیں کیسے بند کرسکتے ہیں اور اگر وہ سمجھتے ہیں کہ نواز شریف نے منی لانڈرنگ نہیں کی تو ان سے بڑا بیوقوف کوئی ہو نہیں سکتا۔

پاکستان تحریک انصاف کے چئیرمین عمران خان کا کہنا ہے کہ اب وزیراعظم ہارس ٹریڈنگ کے خلاف چیخ و پکار کررہے ہیں، کہا جارہا ہے کہ سینیٹ الیکشن میں پیسے کا استعمال ہوا تاہم حکمران جماعت کو اتنی ہی فکر تھی تو تحریک انصاف کی تجویز کی حمایت کیوں نہیں کی۔

کل کی اداکاری کے بعد وزیر اعظم بتائیں کہ

1. پانامہ کیس اور اسکے فیصلے کے نتیجے میں نواز شریف پر منی لانڈرنگ ثابت ہونے سے ترقی کا عمل کیسے رک گیا؟
کیا وزیر اعظم سمجھتے ہیں کہ ترقی کے چند خیالی منصوبوں کی آڑ میں منی لانڈرنگ کے مجرم کو قانون سے بالاتر قرار دیا جائے؟

— Imran Khan (@ImranKhanPTI) March 25, 2018

چئیرمین تحریک انصاف کا کہنا تھا کہ تحریک انصاف نے سینیٹ الیکشن کے طریقہ کار کو تبدیل کرنے کی تجویز دی، تحریک انصاف کی تجویز کا مقصد سینیٹ الیکشن میں غلط طریقہ کار کی روک تھام ہے، اگر ملک کا وزیراعظم سپریم کورٹ کے فیصلے کی تعظیم کرنے اور اسے تسلیم کرنے کو تیار نہیں تو دوسروں سے اسکی توقع کیسے ممکن ہے۔

3. وزیر اعظم کی نظر میں نواز شریف منی لانڈرنگ میں ملوث ہیں یا نہیں؟ اگر ہیں تو وہ بطور وزیر اعظم منی لانڈرنگ جیسے سنگین جرم پر آنکھیں کیسے بند کرسکتے ہیں؟ اور اگر وہ سمجھتے ہیں کہ نواز شریف نے منی لانڈرنگ نہیں کی تو ان سے بڑا بیوقوف کوئی ہو نہیں سکتا۔ https://t.co/lHxRYWsQnP

— Imran Khan (@ImranKhanPTI) March 25, 2018

عمران خان نے وزیراعظم شاہد خاقان سے سوال کرتے ہوئے کہا کہ کیا 10 ارب ڈالر سالانہ منی لانڈرنگ پاکستان کا ایشو نہیں،منی لانڈرنگ پاکستان کو معاشی طورپر تباہ کررہی ہے۔ ان کا کہنا تھا کہ وزیراعظم کی نظر میں نواز شریف منی لانڈرنگ میں ملوث ہیں یا نہیں، اگر ہیں تو وہ بطور وزیراعظم منی لانڈرنگ جیسے سنگین جرم پر آنکھیں کیسے بند کرسکتے ہیں اور اگر وہ سمجھتے ہیں کہ نواز شریف نے منی لانڈرنگ نہیں کی تو ان سے بڑا بیوقوف کوئی ہو نہیں سکتا۔

4. اگر ملک کا وزیر اعظم سپریم کورٹ کے فیصلے کی تعظیم کرنے اور اسے تسلیم کرنے کو تیار نہیں تو دوسروں سے اسکی توقع کیسے ممکن ہے؟ https://t.co/azln1WrIuf

— Imran Khan (@ImranKhanPTI) March 25, 2018