شہباز شریف کا غیر ملکی کھلاڑیوں کو لذیذ کباب کھانے کا مشورہ

پاکستانی عوام کے کرکٹ کے جوش اور عزم نے خوف کو شکست دے دی، وزیراعلیٰ پنجاب فوٹو:فائل

---

وزیراعلیٰ پنجاب شہباز شریف نے پاکستان سپر لیگ کا فائنل کھیلنے والے غیر ملکی کھلاڑیوں کو کراچی کے لذیذ کباب کھانے کا مشورہ دے دیا۔

وزیراعلیٰ پنجاب شہباز شریف نے ٹوئٹ کرتے ہوئے کراچی میں پی ایس ایل کے انعقاد کی مبارک باد دیتے ہوئے کہا کہ نیشنل اسٹیڈیم 9 سال بعد بڑے ایونٹ کی میزبانی کر رہا ہے، کراچی والوں اور فائنل کھیلنے والی دونوں ٹیموں کے لیے نیک تمنائیں، پاکستانی عوام کے کرکٹ کے جوش اور عزم نے خوف کو شکست دے دی۔ شہباز شریف نے کہا کہ غیر ملکی کھلاڑی کراچی کے لذیذ کباب کھانا نہ بھولیں۔

National Stadium Karachi will b hosting its 1st major cricketing event in 9 years. Today, our people's resilience and passion for cricket won over fear. Good luck to both the teams & the people of Karachi for hosting it. My advice 2 foreign players: DONT MISS BUNDU KHAN KE KEBAB!

— Shehbaz Sharif (@CMShehbaz) March 25, 2018

پاکستان سپر لیگ (پی ایس ایل) تھری کا فائنل آج اسلام آباد یونائیٹڈ اور پشاور زلمی کے درمیان ہوگا اور 9 سال 3 ماہ بعد نیشنل اسٹیڈیم کراچی انٹرنیشنل کھلاڑیوں کی میزبانی کرے گا۔