ہمارے قومی جذبے کو کوئی نہیں ہرا سکتا آرمی چیف

کراچی کے تماشائیوں نے جوش کے ساتھ نظم وضبط کا مظاہرہ کیا،جنرل قمرجاوید باجوہ کی اسلام آباد یونائیٹڈ کی ٹیم کومبارکباد

ویب ڈیسک March 26, 2018

پی ایس ایل فائنل نے روشنیوں کے شہر کو مزید روشن کردیا، ہم پر مسلط کی گئی دہشتگردی کا خاتمہ ہو رہا ہے، ترجمان پاک فوج۔ فوٹو: فائل

آرمی چیف جنرل قمر جاوید باجوہ نے پی ایس ایل تھری کی فاتح ٹیم کو مبارکباد دی ہے۔

ڈی جی آئی ایس پی آر کے مطابق آرمی چیف نے کہا کہ پاکستان جیت گیا ہے، کراچی کے تماشائیوں نے جوش کے ساتھ نظم و ضبط کا مظاہرہ کیا۔ ہمارے قومی جذبے کوکوئی شکست نہیں دے سکتا۔

علاوہ ازیں ترجمان پاک فوج نے قوم کو پی ایس ایل کی خوشیوں کی مبارک باد دیتے ہوئے کہا ہے ہم پر مسلط دہشتگردی دم توڑ رہی ہے، پی ایس ایل فائنل نے روشنیوں کے شہر کراچی کو مزید روشن بنا دیا ہے۔ پی سی بی، غیر ملکی کھلاڑیوں، انتظامیہ، سکیورٹی اداروں اور پرجوش پاکستانیوں کا شکریہ ادا کرتے ہیں۔

ڈی جی آئی ایس پی آرآصف غفور نے گزشتہ روز اپنے ایک ٹویٹ میں کہا کہ پائیدار امن اور استحکام کے ذریعے اپنی درست منزل امن و خوشحالی کی طرف گامزن ہیں اور یہی ہماری منزل ہے، انشاء اللہ!۔