کراچی رینجرز کا ٹارگٹڈ آپریشن 18 مشتبہ افراد گرفتار

رینجرزنے ماڈل کالونی میں ٹارگٹڈ آپریشن کرکے 18 مشتبہ افراد کو گرفتار کرلیا۔


کراچی کے مختلف علاقوں میں جرائم پیشہ افراد کے خلاف رینجرز کی ٹارگٹڈ کارروائیاں جاری ہیں ، رینجرز نے پیر کی علی الصبح جرائم پیشہ افراد کی موجودگی کی اطلاع پرماڈل کالونی کے مشتبہ مقامات کا محاصرہ کرلیا ، کارروائی میں ڈھائی سواہلکاروں نے شرکت کی جن میں خواتین اہلکار بھی شامل تھیں جبکہ سراغ رساں کتوں کی بھی مدد لی گئی۔

4 گھنٹے سے زائد جاری رہنے والے آپریشن میں تمام راستے سیل کردئیے گئے تھے ، رینجرز کے مطابق گھر، گھر تلاشی کے دوران گرفتارہونے والے 18 مشتبہ افراد کے قبضے سے مختلف اقسام کے 44 ہتھیار ملے ہیں، بعض ملزموں کا تعلق مختلف سیاسی جماعتوں سے بتایا جاتا ہے۔