ماہرہ کی سگریٹ پیتے ہوئے ایک اور ویڈیو وائرل

ویڈیو میں ماہرہ خان تقریب میں سگریٹ نوشی کرتی نظر آرہی ہیں

ویب ڈیسک March 28, 2018

ماہرہ خان ویڈیو میں بڑے آرام سے سگریٹ نوشی کرتی نظر آرہی ہیں۔ فوٹوفائل

KARACHI: نامور پاکستانی اداکارہ ماہرہ خان کی سگریٹ پیتے ہوئے ایک اور ویڈیو نے سوشل میڈیا پر ہلچل مچادی۔

بین الاقوامی شہرت یافتہ پاکستانی اداکارہ ماہرہ خان کی گزشتہ برس بھارتی اداکار رنبیر کپور کے ساتھ سگریٹ پیتے ہوئے تصاویر وائرل ہوئی تھیں جنہوں نے پاکستانی اور بھارتی میڈیا میں طوفان مچادیا تھا۔ سوشل میڈیا صارفین نےماہرہ کو آڑے ہاتھوں لیتے ہوئے ان پر شدید تنقید کی تھی جب کہ انہیں مختصر لباس پہننے پر بھی خوب تنقید کا نشانہ بنایا گیا تھا۔

بعد ازاں ان تصاویر کے حوالے سے ماہرہ خان کی وضاحت سامنے آئی تھی جس میں انہوں نے معافی مانگتے ہوئے کہا تھا کہ اس واقعے نے مجھے بہت کچھ سکھادیا۔

اس خبرکوبھی پڑھیں: ماہرہ خان نے خاموشی توڑدی

تاہم اب ایک بار پھر ماہرہ خان کی ویڈیو سوشل میڈیا پر وائرل ہورہی ہے جس میں وہ بڑے آرام سے سگریٹ نوشی کرتی نظر آرہی ہیں۔ ویڈیو میں ماہرہ خان کسی تقریب میں موجود ہیں اور نہایت خوشگوار موڈ میں سگریٹ پی رہی ہیں۔ دلچسپ بات یہ ہے کہ ماہرہ خان کے ساتھ موجود خاتون ان سے سگریٹ بجھانے کیلئے کہہ رہی ہیں جس کیلئے انہوں نے ماہرہ خان کو ڈسپوزیبل گلاس بھی پیش کیا، تاہم ماہرہ سگریٹ بجھانے کے موڈ میں بالکل بھی نظر آرہیں ۔ تاہم انہوں نے جلدی جلدی سگریٹ کے کش لے کر سگریٹ بجھادی۔

[fb-post-embed url="https://www.facebook.com/girls.pk/videos/2051750924853751/"]

ماہرہ خان کےمداح ایک بار پھر انہیں سگریٹ پیتے ہوئے دیکھ کر حیرت زدہ رہ گئے ہیں۔