ورون دھون نے مداحوں کے دل جیت لیے

ویڈیو میں ورون دھون راحت فتح علی خان اورمومنہ مستحسن کامشہور گیت آفرین آفرین گاتے نظر آرہے ہیں

ویب ڈیسک March 28, 2018

ویڈیو میں ورون دھون راحت فتح علی خان اورمومنہ مستحسن کامشہور گیت آفرین آفرین گاتے نظر آرہے ہیں؛ فوٹوفائل

LONDON: ورون دھون نے راحت فتح علی خان اور مومنہ مستحسن کا مشہور گیت '' آفرین آفرین '' گا کر مداحوں کے دل جیت لیے۔

بالی ووڈ اداکار ورون دھون کا شمار موجودہ دور کے ان چند باصلاحیت اداکاروں میں ہوتا ہے جنہوں نے بہت کم وقت میں اپنے ٹیلنٹ سے نامور اداکاروں کی فہرست میں جگہ بنائی۔ ورون اپنی اداکاری سے تو لوگوں کو دیوانہ بناچکے ہیں تاہم اب ان کا نیا ٹیلنٹ سامنے آیا ہے جسے لوگوں کی جانب سے بے حد پزیرائی حاصل ہورہی ہے۔

اس خبرکوبھی پڑھیں: ورون دھون رواں سال شادی کررہے ہیں

ورون دھون کی ایک ویڈیو سوشل میڈیا پر وائرل ہورہی ہے جس میں وہ اپنے دوست اداکار ورون شرما کے ساتھ پاکستانی گلوکار راحت فتح علی خان اور مومنہ مستحسن کا مقبول ترین گیت گاتے ہوئے نظر آرہے ہیں۔