وزیراعظم کواپنا بیان واپس لینا چاہیے،وزیراعلیٰ،فوٹو:فائل
کوئٹہ میں پاکستان تحریک انصاف کے چیئرمین عمران خان کے ہمراہ میڈیا سے گفتگو کرتے ہوئے وزیراعلیٰ بلوچستان عبدالقدوس بزنجو نے کہا کہ وزیراعظم شاہد خاقان عباسی کا چیئرمین سینیٹ صادق سنجرانی کو ہٹانے کے بیان پر دکھ ہوا، وزیراعظم کے اس بیان پر بلوچستان کی عوام کو تکلیف ہوئی ہے، وزیراعظم کو اس بیان پر معافی مانگنی چاہیے اگر انہوں نے معذرت نہ کی تو بلوچستان سے اسلام آباد تک مارچ کریں گے۔
یہ بھی پڑھیں: وزیراعظم کے خلاف تحریک استحقاق لانے کا فیصلہ
وزیراعلیٰ نے کہا کہ ہم پوائنٹ اسکورنگ میں نہیں جانا چاہتے، ہمیں وزیراعظم کے بیان سے دلی تکلیف ہوئی، وزیراعظم کا بیان قابل افسوس ہے اور اس بیان سے صوبے کے عوام ناراض ہیں، وزیراعظم اپنا بیان واپس لیں۔انہوں نے مزید کہا کہ بلوچستان میں سینیٹ کاالیکشن جمہوری طریقے سےہوا، بلوچستان سے چیئرمین سینیٹ صادق سنجرانی کی جیت پر عمران خان اور پیپلزپارٹی سمیت سب دوستوں کی حمایت پر ان کا شکریہ ادا کرتے ہیں۔
اسے بھی پڑھیں: نواز شریف جو کہتے ہیں کہتے رہیں
واضح رہے کہ وزیراعظم شاہد خاقان عباسی نےاپوزیشن کو چیئرمین سینیٹ صادق سنجرانی کو تبدیل کرنے کی پیشکش کرتے ہوئے کہا تھا کہ وہ چیئرمین منتخب ہوا جس کے لیے پیسے دے کرووٹ خریدے گئےاور ان کی عوام میں کوئی عزت نہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔