پیٹرنز ٹرافی گریڈ2 عمر نے پی ای بی کو9 وکٹ سے ہرا دیا

کے ای ایس سی کیخلاف کسٹمزکی ٹیم فالوآن کا شکار، تابش خان نے 4وکٹیں لیں. فائل فوٹو

---

لاہور: پیٹرنز ٹرافی گریڈ2 کرکٹ ٹورنامنٹ میں عمر ایسوسی ایٹس نے پی ای بی کو 9 وکٹ سے ہرا دیا،کے ای ایس سی کے خلاف کسٹمز کی ٹیم فالوآن کا شکار ہوگئی۔

تابش خان نے 4وکٹیں لیں، کے پی ٹی نے 8 وکٹ پر 296 رنز بنا کر سی ڈی اے پر 47 رنز کی برتری حاصل کرلی، فیصل خان نے 80 کی اننگز کھیلی۔تفصیلات کے مطابق پی ای بی کے 114 رنز کے جواب میں عمر ایسوسی ایٹس نے 207 رنز بنائے، دوسری اننگز میں پی ای بی 107 سے آگے نہ بڑھ سکی، فاتح سائیڈ نے 15 رنز کا ہدف ایک وکٹ کے نقصان پر حاصل کر لیا۔



کسٹمز کی ٹیم 145رنز پر ڈھیر ہو کر فالو آن پر مجبورہوئی، بلال قریشی نے 41 رنز بنا کر کچھ مزاحمت کی، تابش خان نے4 اور سعید خان نے3 وکٹیں حاصل کیں، 220 کے خسارے میں جانے والی ٹیم نے دوسری اننگز میں بغیر کوئی وکٹ گنوائے 30 رنز بنائے۔ پی ٹی وی نے آرمی کیخلاف 385 رنز بنائے، ذیشان مشتاق نے 134کی اننگز کھیلی، مواذ تیمیہ نے 5 کھلاڑیوں کو آئوٹ کیا۔

پہلی اننگز میں 204رنز بنانے والی آرمی کی ٹیم نے دوسری باری میں3 وکٹ پر 166کا مجموعہ پایا، ثنا اللہ 60 اور صفیر احمد 52 پر ناقابل شکست ہیں۔ کے پی ٹی نے 8 وکٹ پر 296رنز بنا کر سی ڈی اے پر 47 رنز کی برتری حاصل کی، فیصل خان 80رنز کے ساتھ ٹاپ اسکورر رہے، دوسری اننگز میں سی ڈی اے نے 3 وکٹیں گنوا کر 79 رنز بنا لیے۔ کراچی میں سوئی سدرن گیس کمپنی اور سعودی کرکٹ جبکہ پاک اسٹیل اور نیوی کے میچز میں دوسرے دن کا کھیل بارش کی نذر ہو گیا۔