یونس خان نے عمران خان کو ’آل ٹائم الیون ٹیم‘ کا کپتان چن لیا

یونس خان نے اپنی آل ٹائم الیون میں حنیف محمد اور سچن ٹنڈولکر کو بطور اوپنر شامل کیا

ویب ڈیسک March 29, 2018

یونس خان نے آل ٹائم الیون کھلاڑیوں کا انتخاب کیا ہے، فوٹو: فائل

قومی کرکٹ ٹیم کے لیجنڈری بیٹسمین یونس خان نے 1992ء ورلڈ کپ کی فاتح ٹیم کے قائد عمران خان کو اپنی آل ٹائم الیون ٹیم کا کپتان قرار دے دیا۔

کرکٹ کے گھر کہلانے والے لارڈز کرکٹ گراؤنڈ کی سوشل میڈیا ٹیم کو دیے گئے انٹرویو میں یونس خان نے اپنی آل ٹائم الیون ٹیم کے کھلاڑیوں کا اعلان کیا جس میں انہوں نے عمران خان کو اپنی ٹیم کا کپتان منتخب کیا۔

آل ٹائم الیون میں یونس خان نے حنیف محمد اور سچن ٹنڈولکر کو بطور اوپنر شامل کیا جب کہ جنوبی افریقا کے مایہ ناز آل راؤنڈر جیک کیلس کو ون ڈاؤن اور ویسٹ انڈیز کے برائن لارا کو چوتھے بیٹسمین کے طور پر رکھا۔ مڈل آرڈر کو مضبوط بنانے کے لیے یونس خان نے سر ویو رچرڈز کو پانچویں اور سر گارفیلڈ سوبرز کو چھٹے نمبر پر رکھا۔

یونس خان نے آسٹریلیا کے جارح مزاج وکٹ کیپر بیٹسمین ایڈم گلکرسٹ کو ٹیم میں بطور وکٹ کیپرشامل کیا جب کہ ٹیم کی قیادت کے لیے عمران خان کا انتخاب کیا۔ اسی طرح فاسٹ بالنگ اٹیک انگلینڈ کے سر رچرڈ ہیڈلی اور آسٹریلیا کے گلین میک گرا کے حوالے کیا۔ گھومتی ہوئی گیندوں سے بلے بازوں کو گھمانے والے جادوگر اسپنر متایا مرلی دھرن کو اسپن بالر شامل کیا۔

ٹیم کے انتخاب کے بعد یونس خان نے اسے ایک مضبوط ٹیم قرار دیتے ہوئے خوشی کا اظہار کیا۔

🗣 "It's a hell of a strong team...seriously!"

📺 Former @TheRealPCB captain Younis Khan picks his All Time XI!

Thoughts? 🤔#LoveLords pic.twitter.com/iaZDgd5q76
— Lord's Cricket Ground (@HomeOfCricket) March 28, 2018