LONDON:
فٹنس مسائل نے فاسٹ بالر عمرگل کو جہاں وسیم اکرم کے کوچنگ کیمپ سے باہر کردیا ہیں جون میں برطانیہ میں ہونے والی آئی سی سی چیمپئنز ٹرافی میں بھی ان کی شرکت پرسوالیہ نشان لگ گیاہے۔
دورہ جنوبی افریقہ کے دوران ان فٹ ہونے والے عمر گل تاحال فٹنس مسائل کا شکار ہیں، 20 اپریل سے کراچی میں شروع ہونے والے وسیم اکرم کیمپ میں بھی عمرگل کو شامل نہیں کیا گیا۔ کیمپ میں 18 فاسٹ بولر شریک ہوں گے جن میں محمد عرفان، وہاب ریاض، جنید خان، راحت علی، احسان عادل، ضیاء الحق،عزیزاللہ، تابش خان، انورعلی، عمران خان اور اسد علی نمایاں ہیں۔ وسیم اکرم 29 اپریل تک بولرز کوکھیل میں بہتری لانے کے مشورے دیں گے۔
دوسری جانب جون میں ہونے والی آئی سی سی چیمپئینز ٹرافی میں بھی عمر گل کی شرکر مشکوک ہوگئی ہے جو قومی ٹیم کے لئے ایک بڑا دھچکہ ثابت ہوسکتا ہے۔