بجلی کے معاملے میں پنجاب سے امتیازی سلوک کیا جارہا ہے شہبازشریف

لوڈشیڈنگ کے خلاف احتجاج میں عوام کا ساتھ دیا تھا اب بھی عوام مجھے اپنے ساتھ پائیں گے،شہبازشریف فوٹو : فائل

---

سابق وزیراعلیٰ پنجاب شہبازشریف نے کہا ہے کہ بجلی کے معاملے میں پنجاب سے امتیازی سلوک کیا جارہا ہے جس کا نگراں حکومت نوٹس لے۔

سابق وزیراعلیٰ پنجاب شہبازشریف نے کہا ہے کہ نااہل حکومت کے خاتمے کے باوجود بجلی کی فراہمی کے معاملے میں پنجاب سے امتیازی سلوک کیا جا رہا ہے ، انہوں نے کہا کہ بجلی کا شارٹ فال ایک تہائی جبکہ پنجاب میں لوڈشیڈنگ 50فیصد سے زائد ہے، پنجاب کے عوام بھی پاکستانی ہیں ناانصافی کا خاتمہ حکومت کا آئینی و قانونی فریضہ ہےلوڈشیڈنگ کے خلاف احتجاج میں عوام کا ساتھ دیا تھا اب بھی عوام مجھے اپنے ساتھ پائیں گے۔

شہبازشریف کا کہنا تھا کہ پنجاب کی نگران حکومت فی الفور یہ مسئلہ وفاقی سطح پر اٹھائے۔ انہوں نے کہا کہ طویل لوڈشیڈنگ کے باعث ٹیکسٹائل انڈسٹری بند ہو رہی ہے، وزیراعظم کو صورت حال کا نوٹس لینا چاہئے۔