بالی ووڈ اداکار ’’باغی 2‘‘ میں ٹائیگر شیروف کی اداکاری پر واہ واہ کر اٹھے

اکشے کمار، ہریتھک روشن اور انیل کپور سمیت متعدد اداکاروں نے ٹائیگر شیروف کی اداکاری کو سراہا

---

KARACHI: ''باغی 2'' میں ٹائیگر شیروف کی اداکاری نے متعدد بالی ووڈ اداکاروں کو اپنا دیوانہ بنالیا۔

بالی ووڈ اداکار ٹائیگر شیروف اور دیشا پٹانی کی نئی فلم ''باغی2'' نے ریلیز کے پہلے روز ہی کھڑکی توڑ بزنس کرکے سب کو حیران کردیا، فلم نے ریلیز کے پہلے دن 25 کروڑسے زائد کا بزنس کیا اور اب تک فلم 45 کروڑ کماکر رواں سال کی اب تک کی سب سے کامیاب فلم بن گئی۔

اس خبر کو بھی پڑھیں : ''باغی2'' نے ریلیز کے پہلے ہی روز ریکارڈ قائم کردیا

ٹائیگر شیروف کی فلم ''باغی 2'' کی کامیابی نے بھارتی فلم انڈسٹری کو بہت متاثر کیا ہے اور بالی ووڈ اداکار بھی فلم کی تعریف کیے بغیر نہ رہ سکے، بالخصوص نامور اداکار اکشے کمار اور ہریتھک روشن ٹائیگر شیروف کی اداکاری کے دیوانہ ہوگئے ہیں۔

Take a bow @iTIGERSHROFF 🙇
Bollywood can proudly announce that we have our very own Tony Jaa in the industry. Your action is a force to be reckoned with 👊🏽#Baaghi2 pic.twitter.com/aLTBBllqq5

— Akshay Kumar (@akshaykumar) March 31, 2018

ٹوئٹر پر اکشے کمار نے ٹائیگر شیروف کی اداکاری کی تعریف کی اور ٹائیگر شیروف کا مشہور تھائی مارشل آرٹسٹ ٹونی جا سے موازنہ کرتے ہوئے کہا کہ فخر کے ساتھ کہہ سکتا ہوں کہ بالی ووڈ کے پاس اپنا ٹونی جا موجود ہے۔

@iTIGERSHROFF !!! You’v done it !!! I’m now looking forward to working with the BEST action hero in the industry ! Bravo! Keep flying high!

— Hrithik Roshan (@iHrithik) March 31, 2018

ہریتھک روشن نے بھی ٹائیگر شیروف کی اداکاری کی تعریف کرتے ہوئے کہا کہ تم نے کردکھایا، اب میں بالی ووڈ کے سب سے بہترین ایکشن ہیرو کے ساتھ کام کرنے کا خواہشمند ہوں۔

There’s a new king of the jungle with a roaring performance & a hit at the box office! Congrats team #Baaghi2!! @iTIGERSHROFF @DishPatani @NGEMovies @khan_ahmedasas @WardaNadiadwala @foxstarhindi @TSeries pic.twitter.com/RmWKRuoNYH

— Anil Kapoor (@AnilKapoor) March 31, 2018

مشہور اداکار انیل کپور بھی تعریف کیے بغیر نہ رہ سکے اور ٹوئٹر پر ایک پوسٹ میں کہا کہ جنگل کے نئے بادشاہ نے زبردست پرفارمنس اور ہٹ فلم کے ساتھ انٹری دی ہے۔ دوسری جانب ارجن کپور، وویک اوبرائے، کریتی سینن، تشار کپور اور سنیل شیٹی سمیت متعدد بھارتی اداکاروں نے ''باغی 2'' میں ٹائیگر شیروف کی اداکاری کو پسند کیا ہے۔