محض 500 روپے لے کر ممبئی آنے والی اداکارہ دیشا پٹانی نے کروڑوں کمالیے

بالی ووڈ کی کامیاب ترین فلم ''باغی2''کی مرکزی اداکارہ دیشا پٹانی نے اپنے گزرے ہوئے مشکل دور کی یادیں تازہ کرتے ہوئے کہا ہے کہ جب وہ ممبئی آئی تھیں تو ان کے پاس محض 500 روپے تھے۔

محض 3 دنوں میں 73 کروڑ سے زائد کمائی کرکے رواں سال کی سب سے کامیاب قرار دی جانے والی فلم''باغی2''کی خوبصورت اور باصلاحیت اداکارہ دیشا پٹانی نے حال ہی میں دئیے گئے انٹرویو میں فلمو ں میں انٹری سے قبل اپنے مشکل دور کی یادیں تازہ کرتے ہوئے کہا ہے کہ جب وہ ممبئی آئیں تو ان کے پاس صرف 500 روپے تھے۔ دیشا نے کہا ان کا تعلق فلمی گھرانے سے نہیں ہے لہٰذا اس نگری میں جگہ بنانے کیلئے انہیں بہت محنت کرنی پڑی۔ دیشا نے کہامجھے اداکاری کرنا بے حد پسند ہے اور میں ابتدا میں اپنی پرفارمنس دکھانے کا صرف ایک موقع چاہتی تھی لیکن اس کے ساتھ میں بہت زیادہ ہوشیار بھی تھی۔ ابتدا میں مجھے بہت سارے فلمسازوں کی جانب سے رد کیاگیا ایسا کئی بار ہواکہ فلم کی شوٹنگ شروع ہوتی تھی اور بغیر وجہ بتائے مجھے اس فلم سے نکال دیا جاتا تھا لیکن اس چیز نے مجھے بہت کچھ سیکھایا اور مضبوط بنایا۔

اس خبرکوبھی پڑھیں: ''باغی2'' نے ریلیز کے پہلے ہی روز ریکارڈ قائم کردیا


دیشا نے مزید کہا شوبز میں قدم جمانے کیلئے میں اپنی پڑھائی ادھوری چھوڑ کر ممبئی آگئی یہاں میں کسی کو نہیں جانتی تھی میں جب ممبئی آئی تو میرے پاس پاس صرف 500 روپے تھے، اس دوران میں اکیلی رہتی تھی میرے پاس زیادہ پیسے نہیں ہوتے تھے ۔ ابتدا میں میرے پاس جب جاب نہیں تھی تو مجھے یہ فکر ستاتی رہتی تھی کہ میں اپنے گھر کا کرایہ کس طرح دوں گی۔ تاہم میں نے کبھی اپنے گھر والوں سے پیسوں کا تقاضہ نہیں کیا۔

واضح رہے کہ ''باغی2''دیشا پٹانی کی تیسری فلم ہے اس سے قبل وہ بھارتی کرکٹر ایم ایس دھونی کی زندگی پر بننے والی فلم ''ایم ایس دھونی؛ ان کہی کہانی''اور بھارت چائنیز کے اشتراک سے بننے والی فلم ''کنگ فو یوگا''میں اداکاری کے جوہر دکھاچکی ہیں۔ محض 500 روپے لے کر ممبئی آنے والی دیشا پٹانی کا شمار آج بھارت کی صف اول کی اداکاراؤں میں ہورہا ہے۔ ان کی فلم ''باغی2'' محض 3 دنوں میں 73 کروڑ 10 لاکھ کا کھڑکی توڑ بزنس کرکے کامیاب فلم بن گئی ہے۔

https://www.youtube.com/watch?v=F2lN25IayH8