انگلش فٹبالر وائن برج نے گلوکارہ سینڈ فورڈ کو منگنی کی انگوٹھی پہنادی

گلوکارہ سینڈ فورڈ کے مطابق ہفتے کی شام انگلش فٹبالر نے انھیں ’پروپوز ‘ کیا تھا جس پر انھوں نے بخوشی’ اقرار‘ کردیا۔ فوٹو : فائل

---

انگلش فٹبالر وائن برج نے گلوکارہ دوست فرینکی سینڈ فورڈ کو جیون ساتھی بنانے کا اعلان کردیا۔

بیرنگٹن کلب کے پلیئر وائن کی منگیتر نے ہیرے کی انگوٹھی کی تصویر سماجی رابطے کی ویب سائٹ پر جاری کرکے دنیا کو اپنا رشتہ مضبوط بن جانے کی خبر سنادی، رومانوی جوڑا 2010 سے تعلق قائم رکھے ہوئے ہے، گلوکارہ سینڈ فورڈ کے مطابق ہفتے کی شام انگلش فٹبالر نے انھیں 'پروپوز ' کیا تھا جس پر انھوں نے بخوشی' اقرار' کردیا۔

انگلینڈ کے لیے 36 میچز کھیلنے والے برج نے رواں سیزن میں مانچسٹرسٹی کے لیے بھی37 مقابلوں میں حصہ لیا ہے، منگنی پر خوشی سے سرشار گلوکارہ نے کہا کہ میرے بینڈ میں شامل ساتھی فنکارائیں یونا ہیلی اور روشیلی ہیومز اپنے گھر بساچکی ہیں البتہ ہر کوئی مجھ سے پوچھتا تھا کہ برج کب تم سے اپنے رشتے کو مضبوط کرے گا لیکن اب اس کی جانب سے ہیرے کی انگوٹھی مل جانے کے بعد میرے چاہنے والوں کو اپنے سوال کا جواب مل گیا ہوگا، انھیں اب میری شادی کی فکر چھوڑ دینی چاہیے۔