تاریخ پیدائش پہ نمبر ون فلم

آپ کی تاریخ پیدائش پر نمبرون فلم ایسی ہوسکتی ہے جس کا آپ نے کبھی نام بھی نہ سنا ہو۔ فوٹو: فائل

---

فلمیں دیکھنا کس کو پسند نہیں مگر کیا کبھی آپ نے تصّور کیا کہ آپ کی تاریخ پیدائش کے دن کون سی فلم بزنس کے لحاظ سے دنیا بھر میں سب سے آگے تھی؟ یقیناً نہیں کیونکہ اس کا خیال کسی کو بھی نہیں آتا۔ تاہم اب ایسا ممکن ہے۔

جی ہاں Playback.fm نامی سائٹ نے ایک ایسا ٹول تیار کیا ہے جس میں آپ اپنی تاریخ پیدائش ڈال کر اس دن کی نمبرون فلم کے بارے میں جان سکتے ہیں۔

تاہم یہ ہولی وڈ فلم ہوگی جو یو ایس باکس آفس پر اس دن سرفہرست ہوگی جبکہ فلم کے نام کے ساتھ اس وقت کی سینما ٹکٹ کی قیمت اور ٹریلر بھی آپ دیکھ سکتے ہیں۔اور ہاں ہوسکتا ہے کہ آپ کو جھٹکا لگے ،وہ اس طرح آپ کی تاریخ پیدائش پر نمبرون فلم ایسی ہوسکتی ہے جس کا آپ نے کبھی نام بھی نہ سنا ہو۔

دلچسپ بات یہ کہ اس ٹول سے اندازہ ہوتا ہے کہ فلموں کے کردار بھی لوگوں کو متاثر کرتے ہیں۔ اور لوگ ان کے نام پر اپنے بچوںکے نام رکھتے ہیں خاص طور پر امریکا میں۔اگر نمبرون فلم کا یہ تصّور آپ کے دل کو بھائے تو آپ اپنے تاریخ پیدائش کے دن نمبرون انگلش گانے کے بارے میں بھی جان سکتے ہیں۔