ٹریفک جام کے سبب پاک ویسٹ انڈیز ٹیمیں تاخیر سے اسٹیڈیم پہنچیں

دونوں ٹیموں کے ساتھ چلنے والے پروٹوکول کو راستہ کلیئر کرانے میں نصف گھنٹے سے زائد وقت لگا۔ فوٹو: فائل

---

کراچی میں شاہراہ فیصل پر شام کے اوقات میں شدید ٹریفک جام کی وجہ سے پاکستان اور ویسٹ انڈیز کی ٹیموں کو ہوٹل سے اسٹیڈیم آنے میں تاخیر ہوئی۔

پہلے میچ کے لیے تعطیل کے باعث ٹیموں کو ہوٹل سے چند منٹ میں نیشنل اسٹیڈیم پہنچا دیا گیا تھا، دوسرے میچ کے لیے کھلاڑی شیڈول ٹائم سے20 منٹ تاخیر سے اسٹیڈیم پہنچے جس کی وجہ شاہراہ فیصل پر ٹیم ہوٹل سے کارساز تک شام کے اوقات میں شدید ترین ٹریفک جام تھا۔

دونوں ٹیموں کے ساتھ چلنے والے پروٹوکول کو راستہ کلیئر کرانے میں نصف گھنٹے سے زائد وقت لگا۔ ٹیم ہوٹل سے شاہراہ فیصل کارساز آنے کے دوران ٹریفک پولیس اہلکاروں کی مدد سے لنک روڈز کو بلاک کر کے ٹیموں کو گزارا گیا۔