وسیم اکرم نے شاہین آفریدی کو انٹرنیشنل کیپ سے نواز دیا

شاہین آفریدی نے اپنی 18 ویں سالگرہ سے 3 دن قبل پاکستان کی سبز شرٹ زیب تن کرنے کا اعزاز پایا۔

Sports Desk April 04, 2018

شاہین آفریدی نے اپنی 18 ویں سالگرہ سے 3 دن قبل پاکستان کی سبز شرٹ زیب تن کرنے کا اعزاز پایا۔ فوٹو: سوشل میڈیا

وسیم اکرم نے شاہین شاہ آفریدی کو انٹرنیشنل کیپ سے نواز دیا۔

تیسرے ٹوئنٹی 20 سے قبل سابق کپتانوں وسیم اکرم اور وقار یونس نے قومی کرکٹرز سے ملاقات کی اور کارکردگی میں بہتری کیلیے مشوروں دیے،دونوں کمنٹری کے سلسلے میں اسٹیڈیم میں موجود تھے اور وسیم اکرم نے شاہین شاہ آفریدی کو انٹرنیشنل کیپ سے نوازا، انھوں نے اپنی 18 ویں سالگرہ سے 3 دن قبل پاکستان کی سبز شرٹ زیب تن کرنے کا اعزاز پایا۔

شاہین آفریدی انڈر 19 ورلڈکپ اور پھر پی ایس ایل میں اچھی کارکردگی کے بعد سلیکٹرز کی نظروں میں آئے تھے،ان کے بڑے بھائی ریاض آفریدی پاکستان کی جانب سے ٹیسٹ کھیل چکے ہیں۔ عثمان شنواری کی ٹیم میں واپسی ہوئی، محمد عامر اور حسن علی کو آرام کا موقع فراہم کیا گیا۔