سیموئل بدری پاکستانی شائقین کے جوش و جذبے کے قدردان

میں نے پاکستانی قوم میں عالمی کرکٹ کی پیاس اور جذبہ دیکھا، سیموئل بدری۔ فوٹو : فائل

---

BATON ROUGE, LA/MINNEAPOLIS: ویسٹ انڈین آل راﺅنڈر سیموئل بدری پاکستانی شائقین کے جوش و جذبے کے قدر دان ہو گئے۔

سوشل میڈیا پر ایک ٹوئٹ میں ویسٹ انڈین آل راﺅنڈر سیموئل بدری کا کہنا تھا کہ " کراچی اور لاہور دونوں شہروں میں کھیل چکا ہوں، میں نے وہاں ایک قوم میں عالمی کرکٹ کی پیاس اور جذبہ دیکھا، مجھے وہاں یہ سمجھنے میں بھی مدد ملی کہ کھیل کس طرح ایک معاشرے پر اثر انداز ہو سکتے ہیں۔

Having played in both Karachi and Lahore now, I see a nation starved, I see passion and I see the effect sport can have on a society. Happy to see the Pak players excel in front their home crowd and experience that emotion, nothing compares to that. Security was top notch too!

— Samuel Badree (@qmanbad) April 5, 2018

سیموئل بدری نے کہا کہ اس بات پر خوشی ہے کہ پاکستانی پلیئرز کو اپنے ملک میں شائقین کے سامنے کھیلنے اور صلاحیتوں کے جوہر دکھانے کا موقع ملا ، انہوں نے ہوم کراﺅڈ کے سامنے پرفارم کرنے کا مزہ بھی چکھ لیا کیونکہ کوئی بھی چیز اس کا متبادل نہیں ہو سکتی، سکیورٹی کے بھی بہترین انتظامات کیے گئے تھے۔