شعیب اختر کو سلمان خان کے جیل جانے کا دکھ

ہمیں عدالت کے فیصلے کا احترام کرنا چاہئیے؛ شعیب اختر کی ٹوئٹ؛ فوٹوفائل

---

لاہور: سابق قومی کرکٹر شعیب اختر نے سلمان خان کو کالے ہرن شکار کیس میں سزا ہونے پر ردعمل کا اظہار کرتے ہوئے کہا ہے کہ سلمان خان کو 5 سال کی سزاہوگئی یہ دیکھ کر بہت افسوس ہورہا ہے۔

راولپنڈی ایکسپریس شعیب اختر نے بالی ووڈ کے دبنگ اداکار سلمان خان کوکالے ہرن شکار کیس میں سزا ہونے پر افسوس کا اظہار کیا ہے۔ سابق کرکٹر نے ٹوئٹ کرتے ہوئے سلمان خان کو اپنا دوست قرار دیااور کہا''سلمان خان کو 5 سال کیلئے قید کی سزاہوگئی یہ نہایت افسوسناک ہے، لیکن قانون اپنا کام کرے گا اور ہمیں بھارتی عدالت کے فیصلے کا احترام کرنا چاہیے۔ لیکن اس کے باوجود مجھے لگتا ہے کہ سلمان کو دی جانے والی سزا سخت ہے، تاہم میرا دل سلمان اور ان کی فیملی کے ساتھ ہے، مجھے یقین ہے سلمان بہت جلد جیل سے باہر آئیں گے۔''

Really Sad to see my friend Salman khan sentenced for 5 year But the Law must take its course & we got to respect the decision of honourable court of India but i still think punishment is to harsh but my heart goes to his family & fans ..
Am sure he will out soon ..

— Shoaib Akhtar (@shoaib100mph) April 5, 2018

اس خبرکوبھی پڑھیں: سلمان خان کی جیل یاترا مزید لمبی

واضح رہے کہ سلمان خان کو 19 سال پرانے نایاب کالے ہرن شکار کے کیس میں گزشتہ روز جودھ پور کی مقامی عدالت نے 5 سال قید اور10 ہزار روپے جرمانے کی سزا سنائی تھی۔ فیصلے کے فوراً بعد سلمان خان کو عدالت سے ہی گرفتار کرلیا گیاتھا جب کہ اداکار کی جانب سے دائر کی جانے والی ضمانت کی درخواست پر عدالت نے آج ہونے والی سماعت میں فیصلہ محفوظ کرلیا ہے جس کے باعث سلمان خان کی تاحال ضمانت نہ ہوسکی اور وہ فی الحال جیل میں ہی ہیں۔