سعودی سینما میں پہلا شو بلیک پینتھر کا ہو گا

کمپنی کے ذرائع کا کہنا ہے کہ سینما میں 620 افراد کے بیٹھنے کی گنجائش ہو گی۔ فوٹو: سوشل میڈیا

---

سعودی دارالحکومت میں 18 اپریل کو کھلنے والے سینما میں پہلا شو بلیک پنتھر پیش کیا جائے گا۔

امریکی ذرائع ابلاغ کے مطابق امریکی کمپنی اے ایم سے 18 اپریل کو ریاض میں شاہ عبداللہ سینٹر میں پہلے سینما گھر کا افتتاح کرے گی جس میں پہلی فلم بلیک پینتھر 5 دن سینما میں دکھائی جائے گی جب کہ سینما میں دوسرا شو ''انفینٹی وار'' کا ہو گا۔

کمپنی کے ذرائع کا کہنا ہے کہ سینما میں 620 افراد کے بیٹھنے کی گنجائش ہو گی۔ اے ایم سی کمپنی کے آپریشنل ڈائریکٹر کا کہنا ہے کہ ٹکٹ کی فروخت کے لیے مختلف انتظامات کیے جائیں گے جن میں ٹکٹ کاؤنٹرز کے علاوہ خود کار مشینوں اور ویب سائٹ کے ذریعے بھی ٹکٹ حاصل کیے جاسکیں گے۔