بھارت میں مسافر ٹرین 10 کلومیٹر تک بغیر انجن کے چلتی رہی

ٹرین کی ٹھیک سے بریک نہیں لگائی گئی تھی،فوٹو:فائل

---

بھارت کی مشرقی ریاست اڑیسہ میں محکمہ ریلوے کی غفلت کے باعث مسافروں سے بھری ٹرین نے بغیر انجن کے 10 کلومیٹر تک کا فاصلہ طے کرلیا۔

بھارتی میڈیا کے مطابق ریاست اڑیسہ میں احمد آباد پوری ایکسپریس کی مسافروں سے بھری 22 بوگیاں بغیر انجن کے چلتی رہیں، تتلاگڑھ اسٹیشن پرٹرین کا انجن دوسرے رخ کی طرف لگنے کے لیے علیحدہ کیا گیا تو ٹھیک سے بریک نہ لگنے کی وجہ سے ٹرین پیچھے کی طرف چل پڑی اور تقریبا 10 کلومیٹر کا فاصلہ بغیر انجن کے طے کرلیا تاہم واقعے میں کسی قسم کا جانی نقصان نہیں ہوا۔

#WATCH Coaches of Ahmedabad-Puri express rolling down towards Kesinga side near Titlagarh because skid-brakes were not applied #Odisha (07.04.18) pic.twitter.com/bS5LEiNuUR

— ANI (@ANI) April 8, 2018

عینی شاہد کی طرف سے بنائی گئی ویڈیو میں دیکھا جاسکتا ہے کہ ٹرین بغیر انجن کے چل رہی ہے اور مسافر مدد کے لیے پکار رہے ہیں۔وزارت ریلوے نے واقعے کا نوٹس لیتے ہوئے سیکڑوں مسافروں کی جان کو خطرے میں ڈالنے پر غفلت برتنے والے 7 افسران کو معطل کردیا جب کہ واقعے کی تحقیقات کا بھی آغاز کردیا ہے۔

Passenger shouting for help as the Puri Ahmedabad Express crossed the Kesinga station of Kalahandi Saturday night. The train stopped just outside the station due to higher gradient. @htTweets pic.twitter.com/GVkR0siHlp

— 𝓓𝓮𝓫𝓪𝓫𝓻𝓪𝓽𝓪 𝓜𝓸𝓱𝓪𝓷𝓽𝔂 (@debabrata2008) April 8, 2018

واضح رہے کہ بھارت میں دنیا کا بڑا ریلوے نیٹ ورک ہے جس میں 9 ہزار ٹرینیں روزانہ لاکھوں مسافروں کو ان کی منزل تک پہنچاتی ہیں۔