مجھ پر تنقید کرنے والے اپنے گریبان میں جھانک لیتے تو بہتر ہوتا چیئرمین سینیٹ

چیئرمین سینٹ صادق سنجرانی نے کہا ہے کہ مجھ پر تنقید کرنے والے پہلے اپنے گریبان میں جھانک لیتے تو زیادہ بہتر تھا۔

صادق سنجرانی نے کہا ہے کہ مجھ پر تنقید کرنے والے پہلے اپنے گریبان میں جھانک لیتے تو زیادہ بہتر تھا۔ انہوں نے کہا کہ جہوری طریقے سے منتخب ہوا ہوں ہارنے والوں کو ابھی تک ہماری فتح ہضم نہیں ہو رہی۔


تحریک انصاف بلوچستان کے صدر یار محمد رند سے ان کی رہائش گاہ پر ملاقات میں انہوں نے کہا چھوٹے صوبے سے چیئرمین سینٹ کا منتخب ہونا ملک و جمہوریت کے لئے نیک شگون ہے لیکن ہمیشہ جمہوری اصولوں کو پامال کرنے والے ہم پر تنقید کر کے اپنے زخم چاٹ رہے ہیں۔