پاکستان میں رہنے کیلیے آیا ہوں یہیں رہوں گا پرویز مشرف

بہت جلدجلسے جلوسوں کاسلسلہ شروع کرکے ملک بھرکادورہ کروںگا،وکلا کے وفدسے گفتگو۔ فوٹو: فائل

---

SUKKUR: قائدآل پاکستان مسلم لیگ پرویزمشرف نے کہاہے کہ اے پی ایم ایل ملک کے غریب اور متوسط طبقے کی واحدنمائندہ جماعت ہے اورالیکشن میں عوامی سپورٹ کی بدولت ایک بارپھرسے پاکستان کو کامیابی وترقی کی منازل تک لے کرجائیگی۔

لائرزونگ اے پی ایم ایل کی صدرافشاں عادل کی سربراہی میں آنیوالے والے وکلاکے وفدسے ملاقات کرتے ہوئے انھوں نے کہاکہ میں پاکستان کیلیے آپ لوگوں کی سپورٹ چاہتاہوں،بلوچستان اوردیگرعلاقوں تمر گرہ میں حالات اس قدر خراب ہو چکے ہیں کہ ایسے وقت میں ہمیں باہمی اتحادویگانگت کی اشدضرورت ہے ،آپ لوگ انتخابات میں اے پی ایم ایل کے انتخابی نشان ''شاہین''پرمہر ثبت کریں،بہت جلد جلسے جلوسوں کاسلسلہ شروع کریں گے اوراس کے لیے ملک گیردورے کرونگا،پاکستان میں رہنے کے لیے آیاہوں اور یہیں رہوں گا۔

انھوں نے علامہ اقبال کایہ شعر دہرایا''شاہین کبھی پروازسے تھک کرنہیں گرتاپر دم ہے اگر تو تو نہیں''۔اے پی ایم ایل لائرزونگ کی صدر افشاں عادل اوردیگروکلا نے کہاکہ وہ اے پی ایم ایل کے ویژن''سب سے پہلے پاکستان''سے متاثرہوکران کی سپورٹ کیلیے آئے ہیں اور صرف اورصرف وطن کی خاطرمحب وطن لیڈرکاساتھ دیناچاہتے ہیں۔سینئر وکیل جاویداختر شاہ نے کہاکہ پرویزمشرف کاہرفورم پر ساتھ دیں گے اوران کے خلاف ہر قسم کے پروپیگنڈے کا منہ توڑجواب دیاجائیگا۔