ہمیشہ سے یقین رہا ہے کہ 62 ون ایف کے تحت نااہلی تاحیات ہوتی ہے جہانگیر ترین

میرے کیس میں 62 ون ایف کا اس طرح اطلاق نہیں ہوتا، جہانگیر ترین : فوٹو : فائل

---

تحریک انصاف کے رہنما جہانگرین ترین کا کہنا ہے کہ مجھے ہمیشہ سے یقین رہا ہے کہ 62 ون ایف کے تحت نااہلی ہوتی ہے لیکن میرے معاملے میں اس طرح کا اطلاق نہیں ہوتا۔

سپریم کورٹ سے رکن پارلیمنٹ کے لئے تاحیات نااہل ہونے والے تحریک انصاف کے رہنما جہانگیرترین نے سماجی رابطے کی ویب سائٹ پر ردِعمل کا اظہار کرتے ہوئے کہا ہے کہ میرا ہمیشہ سے یقین رہا ہے کہ 62 ون ایف کے تحت نااہلی تاحیات ہوتی ہے لیکن میرے معاملے میں اس کا اس طرح اطلاق نہیں ہوتا، میرا معاملہ بالکل الگ اور سادہ ہے۔

I always believed 62 1(f) to be for life but not applicable in my case.Full money trail provided of tax paid Income, property declared in assets of children and not mine on advice of tax consultant. This was the only issue. My review is still pending and IA justice will prevail

— Jahangir Khan Tareen (@JahangirKTareen) April 13, 2018

جہانگیرترین کا کہنا تھا کہ میں نے اپنی ٹیکس شدہ آمدن کا مکمل ٹریل عدالت میں پیش کیا یہاں تک کہ وکیل کی رائے پر بچوں کے اثاثوں کے خانے میں پوری جائیداد ظاہر کی، میری نظر ثانی کی درخواست زیرِالتوا ہے مجھے یقین ہے کہ انصاف کا ہی بول بالا ہوگا۔

اس خبرکوبھی پڑھیں: نواز شریف اور جہانگیر ترین تاحیات نااہل قرار