اداکارہ عائشہ خان شادی کے بندھن میں بندھ گئیں

PESHAWAR:
نامور پاکستانی اداکارہ عائشہ خان گزشتہ روزمیجر عقبہ کے ساتھ رشتہ ازدواج میں منسلک ہوگئیں دونوں کے نکاح کی تصاویر نے سوشل میڈیا پر دھوم مچادی۔

پاکستان شوبز انڈسٹری کی سابق خوبرو اداکارہ عائشہ خان گزشتہ روز میجر عقبہ ملک کے ساتھ نکاح کے بندھن میں بندھ گئیں دونوں کا نکاح اسلام آباد کی فیصل مسجد میں سادگی سے لیکن خوشگوار ماحول میں انجام پایا۔

اس خبرکوبھی پڑھیں: عائشہ خان کی رسم حنا کی تصاویراور ویڈیوز سوشل میڈیا پر وائرل

[instagram-post url="https://www.instagram.com/p/BhiYo7sBekK/"]

نکاح کے روز عائشہ خان سنہرے اور ہلکے ہرے رنگ کے غرارے میں کسی شہزادی سے کم نہیں لگ رہی تھیں جبکہ میجر عقبہ ملک بھی سنہری اور سفید رنگ کی شیروانی میں راجکمار لگ رہے تھے۔

[instagram-post url="https://www.instagram.com/p/BhhlJGVhhf9/"]

دونوں کے نکاح کی تصاویر دیکھتے ہی دیکھتے سوشل میڈیا پر وائرل ہوگئیں جبکہ ان کے چاہنے والوں نے عائشہ اور عقبہ کو زندگی کے نئے سفر کی مبارکباد دی اورنیک تمناؤں کا اظہار کیا۔


[instagram-post url="https://www.instagram.com/p/Bhhk_NSh-2i/"]

اس سے قبل عائشہ خان کی رسم حنا اور مایوں کی تصاویر نے بھی سوشل میڈیا پر دھوم مچادی تھی۔ عائشہ کی مہندی کی تقریب میں ان کے دوست حمزہ علی عباسی پیش پیش رہے تھے جبکہ عقبہ اور عائشہ کے رقص نے تقریب میں چار چاند لگادئیے تھے۔

اس خبرکوبھی پڑھیں: عائشہ خان نے شوبز چھوڑنے کی وجہ بتادی

[instagram-post url="https://www.instagram.com/p/BhigEBoFK39/"]

واضح رہے کہ کئی برسوں تک شوبز پر حکمرانی کرنے والی عائشہ خان نے شادی کے بعد انڈسٹری چھوڑنے کا فیصلہ کرلیا ہے جس کا اعلان انہوں نے خود سوشل میڈیا پر کیاتھا۔

[instagram-post url="https://www.instagram.com/p/BhiWokNhb_s/"]

[instagram-post url="https://www.instagram.com/p/Bhh248cBaek/"]

[instagram-post url="https://www.instagram.com/p/Bhh26FEBO7X/"]