مسلم لیگق کے رہنما میرجان محمد جمالی کان لیگ میں شمولیت کا اعلان

سابق ڈپٹی چیئرمین سینیٹ اورمسلم لیگ (ق) کے سینیئررہنما میرجان محمدجمالی نے مسلم لیگ(ن) میں شمولیت کا اعلان کیا ہے۔


کوئٹہ میں مسلم لیگ (ن) کے صوبائی صدرنواب ثناءاللہ زہری اورعبدالقادر بلوچ کے ہمراہ پریس کانفرنس کرتے ہوئے میرجان محمد جمالی نے کہا کہ وہ پی بی 25 جعفرآباد سے آزاد حیثیت سے الیکشن لڑرہے تھے اوراب وہ مسلم لیگ (ن) کے امیدوارہوں گے کیوں کہ مسلم لیگ (ن) اب صوبائی خود مختاری اورقوم پرستوں کو سمجھنے لگی ہے۔ انہوں نے کہا کہ محمود خان اچکزئی، سرداراخترمینگل اور دوسری قوم پرست جماعتوں کا انتخابات میں حصہ لینا خوش آئند ہے۔