بھٹ شاہ پولیس کی کارروائی غیر رجسٹرڈ200موٹر سائیکلوں کے چالان

محمد علی بلوچ نے بتایا کہ کراچی سمیت دیگر شہروں میں لوگ برسوں تک گاڑیوں کے کاغذات نہیں بنواتے جس کی وجہ سے جرائم میں اضافہ ہورہا ہے۔ فوٹو: نور/فائل

---

مٹیاری، سیکھاٹ، بھٹ شاہ، ہالا، سعیدآباد ودیگر 19 تھانوں کے ایس ایچ اوز نے ایس ایس پی مٹیاری محمد علی بلوچ کے حکم پر 24گھنٹوں کے اندر 200 غیررجسٹرڈ موٹرسائیکلوں کے چالان کر دیے۔

محمد علی بلوچ نے بتایا کہ کراچی سمیت دیگر شہروں میں لوگ برسوں تک گاڑیوں کے کاغذات نہیں بنواتے جس کی وجہ سے جرائم میں اضافہ ہورہا ہے۔ انھوں نے کہا کہ مٹیاری میں ہر صورت امن وامان برقرار رکھا جائے گا۔ دوسری جانب ضلع بھر میں چالان کرنے کے بہانے سیکڑوں موٹرسائیکل سواروں کو لین دین پر چھوڑنے کا سلسلہ بھی جاری ہے۔



جبکہ سیکھاٹ میں موٹرسائیکلیں روکنے کے خلافشہریوں نے نیشنل ہائی وے پر دھرنا دے اسے بلاک کر دیا جس کے بعد پولیس نے پکڑی گئی موٹرسائیکلیں چھوڑ دیں۔ ضلع بھر میں پولیس کی جانب سے غیر رجسٹرڈ موٹرسائیکلوں کے خلاف کارروائی کے باعث لوگوں میں کھلبلی مچ گئی ہے۔