کراچی میں فائرنگ اور پرتشدد واقعات میں باپ بیٹا سمیت 5 افراد جاں بحق

کراچی میں ڈبل سواری پرپابندی اور رینجرز اورپولیس کے آپریشن کے باوجود ٹارگٹ کلنگ کا سلسلہ جاری ہے، فوٹو:فائل

---

شہر کے مختلف علاقوں میں فائرنگ اور پرتشدد واقعات میں باپ اوربیٹاسمیت 5 افراد جاں بحق ہو گئے۔

کراچی کے علاقے مبینہ ٹاؤن میں نامعلوم افراد نے دکان پر فائرنگ کردی جس کے نتیجے میں باپ بیٹا جاں بحق ہوگئے جن کی شناخت مسرت عباس اورقلب عباس کے نام سے ہوئی، گلشن حدید لنک روڈ کے قریب ایک شخص کی لاش ملی ہےجسے تشدد کرنے کے بعد گولیاں مار کر ہلاک کیا گیا،مقتول کی شناخت عامر کے نام سے کی گئی جو جوبلی کا رہائشی بتایا جاتا ہے۔

دوسری جانب صبح سویرے مشرف کالونی میں خاندانی دشمنی کے نتیجے میں ملزم گل شیر نے اپنے چچا زاد بھائی شاہ محمود کو فائرنگ کر کے قتل کر دیا جب کہ پولیس ملزم کی گرفتاری کے لیے چھاپے مار رہی ہے ۔